හිටපු කොටි යළි ප්‍රහාරයකට සැරසෙයි

කිලිනොච්චියේදී මාර්ග ආරක්ෂක රාජකාරියේ නිරතව සිටින ‍පොලිස් නිලධාරීන්ට ප්‍රහාරයක් එල්ල කොට ගිනි අවි පැහැර ගැනීමක් ඇතුළුව එල්.ටී.ටී.ඊ.යේ හිටපු සාමාජිකයන් පිරිසක් ප්‍රතිසංවිධානය වෙමින් කරන්නට නියමිත ප්‍රහාරයක සැලසුමක් අනාවරණය කරගැනීමට ත්‍රස්ත විමර්ශන කොට්ඨාසය සමත්ව ඇත.
කිහිප අවස්ථාවකදීම එම ප්‍රහාරය එල්ල කරන්නට වෙර දරා ඇතත් ඒ සෑම අවස්ථාවකදීම එය ව්‍යර්ථ වී තිබෙන බවද සඳහන්ය. කිලිනොච්චියේ ස්ථාන කිහිපයක එල්.ටී.ටී.ඊ.ය වළදමා ඇතැයි කියනු ලබන අවි ආයුධ ගොඩ ගැනීම සඳහා ප්‍රතිසංවිධානය වීමට සූදානම් එල්.ටී.ටී.ඊ. සාමාජිකයන් කැණීම් කර ඇති බවද ත්‍රස්ත විමර්ශන කොට්ඨාසය හෙළි කරයි.
පුනරුත්ථාපනය වූ එල්.ටී.ටී.ඊ. හිටපු සාමාජිකයන් ඊට සම්බන්ධ බවත් ආයුධ සොයා කරන කැණීම රාත්‍රි කාලයේදී කිසිදු බාධාවකින් තොරව සිදුකර ඇති බැවින් එය ජාතික ආරක්ෂාවට පවා දැඩි තර්ජනයක් බවත් ත්‍රස්ත විමර්ශන කොට්ඨාසය පෙන්වා දෙයි.
-ලක්බිම-

Ad Widget

Recommended For You

About the Author: Editor

Leave a Reply

Your email address will not be published. Required fields are marked *