ශ්‍රී ලංකන් හිටපු සභාපතිට නිල නිවාස 3 ක්‌! ජංගම දුරකථන හයක බිල් රජයෙන් ගෙවලා

ශ්‍රී ලංකන් ගුවන් ආයතනයේ හිටපු සභාපතිවරයා නිල නිවාස තුනක්‌ භාවිත කර ඇති බවත්, ඔහුගේ ජංගම දුරකථන හයක බිල් ගෙවීම් රජයෙන් සිදුකර ඇති බවත් රාජ්‍ය ව්‍යවසාය සංවර්ධන ඇමැති කබීර් හෂීම් මහතා පැවැසීය.
ශ්‍රී ලංකන් ආයතනයට අයත් කටුනායක සේවා අංශ සහ ශ්‍රී ලංකා කේටරින් ආයතනය නිරීක්‍ෂණය සඳහා පසුගියදා (19 දා) එක්‌වෙමින් ඇමැතිවරයා වැඩිදුරටත් මෙසේද කීය. හිටපු සභාපතිවරයා පාලනය කළ කාලය තුළ ශ්‍රී ලංකන් ආයතනය ලැබූ පාඩුව ඩොලර් මිලියන 3202 යි. එම පාඩුව දකුණු අධිවේගී මාර්ගයට වැය වූ මුදල හා සලකද්දී එවැනි මාර්ග 05 ක්‌ සෑදීමට යන මුදලට සමානයි.
මේ ආයතනය සම්බන්ධයෙන් මගෙන් කැබිනට්‌ මණ්‌ඩලයේදී විමසීමේදී මේ ආයතනය වළ දමන්න විතරයි තියෙන්නේ කියලා මම කිව්වා. නමුත් ජනාධිපතිවරයාගේ හා අගමැතිවරයාගේ උපදෙස්‌ මත රජයේ වියදමෙන් මෙය තවදුරටත් පවත්වා ගෙන යන්න තීරණය කර තිබෙනවා.

Ad Widget

Recommended For You

About the Author: Editor

Leave a Reply

Your email address will not be published. Required fields are marked *