කෝටි පහක්‌ වන්දි ඉල්ලා එස්‌. බී. ට එරෙහිව නඩු

සමෘද්ධි සංවර්ධන අමාත්‍ය එස්‌. බී. දිසානායක මහතා විසින් සිය කීර්තිනාමයට හානි වන අයුරින් ද්වේශ සහගතව ඔහුගේ අමාත්‍යාංශය තුළදී පැවැති මාධ්‍ය හමුවකදී අපහාසාත්මක අසත්‍ය ප්‍රකාශයක්‌ සිදු කරන ලදැයි සමස්‌ත ලංකා සමෘද්ධි සංවර්ධන හා කෘෂිකර්ම පර්යේෂණ සහකාර නිලධාරීන්ගේ සංගමයේ ප්‍රධාන ලේකම් බස්‌නාහිර පළාත් සභා මන්ත්‍රී ජගත් කුමාර මහතා විසින් ඇමැතිවරයාගෙන් රුපියල් කෝටි පහක (ලක්‍ෂ 500) වන්දි මුදලක්‌ ඉල්ලා කඩුවෙල දිසා අධිකරණය හමුවේ ඊයේ (03) නඩු පවරන ලදී.
වත්මන් රජය බලයට පත්වීමෙන් පසුව සමෘද්ධි ව්‍යාපාරය තුළ හටගෙන ඇති ගැටලු ගණනාවක්‌ සම්බන්ධයෙන් සමෘද්ධි අමාත්‍යවරයා ඇතුළු රජයේ අවධානය යොමුකිරීමේ අරමුණින් සමෘද්ධිලාභී හා සමෘද්ධි සංවර්ධන නිලධාරීන් 15000 ක පමණ පිරිසක්‌ ඒකාබද්ධව පසුගිය අගෝස්‌තු 31 දින පාර්ලිමේන්තු වට රවුමේ හා බත්තරමුල්ල සමෘද්ධි අමාත්‍යාංශය ඉදිරිපිටදී විරෝධතා උද්ඝෝෂණ ව්‍යාපාරයක්‌ පවත්වන ලද බවත් ඊට වියරු වැටුණු එස්‌. බී. දිසානායක අමාත්‍යවරයා ඔහුගේ අමාත්‍යාංශය තුළදී මාධ්‍ය හමුවක්‌ කැඳවා තමාගේ කීර්ති නාමය කෙළෙසෙන ආකාරයෙන් ප්‍රකාශයක්‌ කර ඇතැයි ජගත් කුමාර මහතා අධිකරණයට ගොනු කළ පෙත්සමේ දැක්‌වේ.
සිය නීතිඥ මණ්‌ඩලයක්‌ මාර්ගයෙන් පෙත්සම අධිකරණයට ඉදිරිපත් කිරීමෙන් පසුව අධිකරණ භූමියෙන් පිටතදී මාධ්‍යවේදීන් හමුවූ ජගත් කුමාර මහතා මෙසේ ප්‍රකාශ කළේය.
“රට පුරා විසිරී සිටින ලක්‍ෂ පහළොවක්‌ වන සමෘද්ධි සහනලාභීන් හා සමෘද්ධි නිලධාරීන්ගේ වෘත්තීය අයිතිවාසිකම් රැකගැනීමේ අරමුණ ඇතිවයි මගේ මෙහෙයවීම ඇතිව විරෝධතා ව්‍යාපාරය ක්‍රියාත්මක කළේ.”
එයින් වියරු වැටුණු ඇමැති එස්‌. බී. දිසානායක මහතා එදිනම සමෘද්ධි සංවර්ධන අමාත්‍යාංශයට මාධ්‍ය හමුවක්‌ කැඳවා මගේ කීර්තිනාමයට කැලලක්‌ සිදුකරමින් මගේ දේශපාලන ගමන නැවැත්වීමට උත්සාහයක්‌ වශයෙන් අපහාසාත්මක ප්‍රකාශයක්‌ කර තිබෙනවා.
“මා සමෘද්ධි ව්‍යාපාරයට එක්‌වූයේ විශ්වවිද්‍යාලයක (බාහිර) උපාධියක්‌ සමග උසස්‌ අධ්‍යාපනයක්‌ ඇතිවයි. එහෙත් එදා ඇමැති එස්‌. බී. දිසානායක මහතා මාධ්‍ය හමුවේ ප්‍රසිද්ධියේම ප්‍රකාශ කර ඇත්තේ මා සාමාන්‍ය පෙළවත් සමත් නොවූ “හොට්‌ටෙක්‌” යනුවෙන්. මේ ප්‍රකාශයෙන් මට විශාල අපහාසයක්‌ වගේම මානසික පීඩනයට ලක්‌වීමට හේතුවක්‌ වෙලා. ඊට එරෙහිව මා මගේ නීතිඥ මණ්‌ඩලයක්‌ හරහා රුපියල් කෝටි පහක වන්දි මුදලක්‌ ඉල්ලා එස්‌. බී. දිසානායක මහතාට එරෙහිව මේ පැමිණිල්ල අධිකරණයට ඉදිරිපත් කළා.

Ad Widget

Recommended For You

About the Author: Editor

Leave a Reply

Your email address will not be published. Required fields are marked *