ලබන වසරේ ට්‍රිලියන 2.2ක් හෙවත් කෝටි ලක්ෂ 2.2ක ආදායමක් බලාපොරොත්තු වන බවත් එයින් ට්‍රිලියන 1.7ක්ම එම වසරේ විදේශ ණය ගෙවීම සඳහා වෙන් කළ යුතුව ඇතැයිද එයින් 84%ක්ම මහින්ද රාජපක්ෂ මහතා මුදල් ඇමැතිවරයා ලෙස ලබා ගත් ණය මුදල් බව මුදල් හා ජනමාධ්‍ය අමාත්‍ය මංගල සමරවීර මහතා පවසයි.
මේ නිසා රාජ්‍ය සේවක වැටුප් සඳහා මෙන්ම සෙසු සංවර්ධන වැඩ කටයුතු සඳහා ඉතිරි වන්නේ බිලියන 600ක පමණ මුදලක් පමණක් බවත් ඒ මහතා කීය. ලබන මස 09 වැනිදා අය වැය ඉදිරිපත් කරනු ලබන බවත් තවත් වසර ගණනාවක් යනතුරු පරණ ආණ්ඩුවේ පව් ගෙවීමට සිදු වන බවත් ඒ මහතා පෙන්වා දෙයි.
ලබන වසරේ ආදායම කෝටි ලක්ෂ 2.2යි; රාජපක්ෂ පාලනයේ ණය ගෙවන්න කෝටි ලක්ෂ 1.7ක්
