දයාසිරි පරණ කතාව අලුත් කරයි

ඊයේ පැවති ඒකාබද්ධ පොදු ජන පෙරමුණේ අපේක්ෂක සමාරම්භක උළෙල සඳහා සහභාගී වු ශ්‍රි ලංකා නිදහස් පක්ෂයේ මන්ත්‍රීවරුන් සම්බන්ධයෙන් ඉදිරියේ දී තීරණයක් ගන්නා බව අමාත්‍ය දයාසිරි ජයසේකර මහතා පවසයි.

ඊයේ(02) කොළඹ පැවති මාධ්‍ය හමුවකට එක්වෙමින් අමාත්‍යවරයා මේ බව කියා සිටියේය.

පක්ෂයේ මධ්‍යම කාරක සභාවේ දී මේ පිළිබඳ තීරණයක් ගන්නා බවත් විකල්ප පක්ෂවලට උදව් කරන සියලු මන්ත්‍රීවරුන් සම්බන්ධයෙන් මෙම තීන්දුව ගන්නා බවත් අමාත්‍යවරයා පැවසීය.

එමෙන්ම පක්ෂයේ නායකයාගේ රූපය නිරූපණය නොකර ප්‍රචාරක කටයුතු සිදු කරන පළමු දේශපාලන පක්ෂය බවට පොහොට්ටුව පත්ව ඇති බවත් ජී.එල්.පීරිස් මහතා එහි සභාපතිවරයා වුවද ඔහුගේ රූපය නිරූපණය නොකිරීම කණගාටුවට කරුණක් බව ද දයාසිරි ජයසේකර මහතා මෙහිදී වැඩිදුරටත් කියා සිටියේය.

මේ වන විට ශ්‍රි ලංකා නිදහස් පක්ෂයේ උපදේසකයෙකු ලෙස සිටින මහින්ද රාජපක්ෂ මහතාගේ රුව භාවිතා කිරීම නීතිවිරෝධි ක්‍රියාවක් බව ද ඇමතිවරයා සඳහන් කළේය.

Ad Widget

Recommended For You

About the Author: Editor

Leave a Reply

Your email address will not be published. Required fields are marked *