ගෝඨාගේ දඩයම් ආණ්ඩුව යළිත් ඇඳගෙන නා ගනී.. රන්ජන්ගෙන් ගන්න ගිය ආස්වාදය පැය 24ක් ගෙවෙන්නත් කලින් කුඩු වෙයි..! දැන් ලැජ්ජාව වහා ගන්න වොයිස් කට් කෑලි උස්සන් දඟලයි..

රට වැසියන්ගේ අතමිට සරු රටක්, විනය ගරුක රටක්, සුරක්ෂිත සංවර්ධිත දේශයක් හදන බවට වැල් බයිලා ගසමින් බලයට පැමිණි ජනාධිපති ගෝඨාභය රාජපක්ෂ මේ වන විට සිදුකරමින් සිටින්නේ තමාට එරෙහිව එදා දේශපාලන වේදිකාවේ සටන් කළ දේශපාලඥයින් සහ මාධ්‍යවේදීන් දඩයම් කිරීම බව මේ වන විට ගෝඨාට ඡන්දය දුන් සහ නොදුන් ජනතාවට ඔහුගේ ක්‍රියාකලාපය තුලින්ම ඔහු ඇස් පනා පිට ඔප්පු කරමින් සිටින බව පෙනීයයි.

දේශපාලනිකව පළිගැනීමේ අභිලාෂයෙන් අවසන් කළ නඩු යළි කැඳවමින්, වැල කතා, බඩු කතා ඇති සීඩී පට සොයමින්, මාධ්‍ය හමුවක් කිරීමට අවශ්‍ය අයට ඉඩ පහසුකම් සැපයීම වරදක් බව පෙන්වමින් චෝදනා නැති කමට පිදුරු ගසෙත් එල්ලී අත් අඩංගුවට ගෙන නඩු දමන ගෝඨා ප්‍රමුඛ ආණ්ඩුවේ දඩයම් නාටකය මේ වන විට විකට නාටකයක් බවට පත්ව ඇත. එය සක්සුදක් සේ පැහැදිලි වූයේ කිසිඳු අල්ලස්, දූෂණ චෝදනාවක් අහලකවත් නැති රන්ජන් වැන්නෙකුට රජයෙන්ම ලබාදුන් නීත්‍යානුකූල ගිනි අවියේ බලපත්‍රය කල් ඉකුත් වී ඇතැයි පවසමින් සිදුකළ අත් අඩංගුවට ගැනීමත් සමඟය. කෙසේ වෙතත් අධිකරණයට ඉදිරිපත් කළ ඔහුට පැය 24ක් යන්නත් මත්තෙන් ඇප නියම විය.

ජනාධිපතිවරණය පෙර වැඩ කරන විරුවා යැයි පැවසූ ගෝඨාභය මේ වන විට දඩයම් කරන විරුවෙකු බවට පත්වෙමින් සිටී. තමාට එරෙහි රටේ ප්‍රබලතම පාර්ලිමේන්තු මන්ත්‍රීවරුන් අත් අඩංගුවට පත්වෙද්දී ජනාධිපතිවරයා වශයෙන් ඒවා ඔහුගේ අනුදැනුමකින් තොරව වූවා යැ’යි පවසමින් කෙසේ නම් අත්මිදෙන්නද..?

ගෙවී ගිය දින 50 තුළ ගෝඨාගේ දඩයම් ආණ්ඩුව කිසිඳු සැලකිය යුතු සංවර්ධන ව්‍යාපෘතියක් ආරම්භ නොකළ අතර සිදුකළේ දේශපාලන දඩයම් වලින් මාධ්‍යවල ශීර්ෂපාඨ පිරවීම පමණක් වන අතර මේ වන විට එම නාටකවලට හඬපටද එක් කිරීමට පටන් ගෙන ඇත.

ඡායරූප උපුටා ගැනීම: සමාජජාල මාධ්‍යයෙන්

Ad Widget

Recommended For You

About the Author: Editor

Leave a Reply

Your email address will not be published. Required fields are marked *