හෙට ප්‍රදේශ කිහිපයක උෂ්ණත්වය ඉහළට

දිවයිනේ ඇතැම් ප‍්‍රදේශයන්හි උෂ්ණත්වය හෙට (27) දිනයේදී ඉහළ යා හැකි බවට කාලගුණ විද්‍යා දෙපාර්තමේන්තුව විසින් අවවාදාත්මක නිවේදනයක් ද නිකුත් කර තිබේ.

විශේෂයෙන්ම වයඹ හා බස්නාහිර පළාත්වලත්, මන්නාරම, ගාල්ල සහ මාතර දිස්ත‍්‍රික්කයන්හි ඇතැම් ප‍්‍රදේශවලත් අවධානය යොමු කළ යුතු මට්ටමක් දක්වා උෂ්ණත්වය ඉහළ යා හැකි බවයි එම නිවේදනයේ වැඩි දුරටත් සදහන් වන්නේ.

අධික උණුසුම පවතින අවස්ථාවලදී විවිධ ක‍්‍රියාකාරකම්වල නිරත වීමෙන් විජලනය වී මස්පිඬු පෙරලීම, අධික මහන්සිය වැනි තත්ත්වයන් ඇතිවිය හැකි බවත් වැඩිහිටි සහ රෝගී පුද්ගලයින් මේ සම්බන්ධයෙන් සැළකිලිමත් විය යුතු බවත් එම නිවේදනයේ සඳහන් වේ.

ඉහත ප‍්‍රදේශවල ජනතාව ප‍්‍රමාණවත් ලෙස ජලය පානය කිරීම, හැකි පමණ සෙවණ ඇති ස්ථානවල විවේක ගැනීම, අධික වෙහෙසකාරී කටයුතු සීමා කිරීම, සුදු හෝ ලා පැහැ ඇඳුම් භාවිතය ආදිය අනුගමනය කළ යුතු බවත්, විශේෂයෙන් කුඩා ළමුන් තනිව වාහන තුළ තබායාමෙන් වැළකිය යුතු බවත් එම නිවේදනයේ සදහන් වේ.

Ad Widget

Recommended For You

About the Author: Editor

Leave a Reply

Your email address will not be published. Required fields are marked *