කොරෝනා දේශීය ප්‍රවෘත්ති සියල්ලම කෙටියෙන්

කොරෝනා අසාදිත ශ්‍රී ලාංකිකයින් සංඛ්‍යාව 50 දක්වා ඉහළට

කොරෝනා වෛරසය ආසාදනය වී ඇති බව හදුනා ගෙන ඇති පිරිස 50 දක්වා ඉහළ ගොස් ඇතැයි සෞඛ්‍ය අමාත්‍යවරිය සදහන් කළා. මේ සම්බන්ධයෙන් සැකපිට රෝහල්ගත වී ඇති පිරිස 212ක් බවයි අමාත්‍යවරිය වැඩි දුරටත් සදහන් කළේ.

ඇදිරි නීතියට ගරු නොකරන පුද්ගලයින්ට එරෙහිව නීතිය තදින්

පුත්තලම ප්‍රදේශයට පනවා ඇති ඇඳිරි නීතියට ගරු නොකරමින් ක්‍රියා තරන සියලු පිරිස් වෙත නිරෝධායන නීතිය යටතේ දැඩි දඩුවම් ලබා දෙන බව නියෝජ්‍ය පොලිස්පති අජිත් රෝහණ මහතා පවසයි.

අද (18) පැවති කොරෝනා මර්දන මාධ්‍ය හමුවට එක්වෙමින් ඔහු මේ බව සඳහන් කළේය.

මෙහිදී වැඩි දුරටත් අදහස් දැක්වූ පොලිස් මාධ්‍ය ප්‍රකාශකවරයා කියා සිටියේ තම වාහන ආදිය මඟින් ඇඳරි නිතිය කාල සිමාව තුළදි ගමන් බිමන් ගියහොත් එම වාහන නිරෝධායන නීතිය යටතේ පොලිස් භාරයට ගන්නා බවයි.

රජය විසින් ලබා දුන් නිවාඩු අවභාවිත කරමින් විනෝද සවාරි යන පුද්ගලයන් අත්අඩංගුවට ගැනීම සදහා සෑම පොලිස් බල ප්‍රදේශයකම මාර්ග බාධක දෙක බැගින් යෙදවීමට ද පියවර ගන්නා බව පොලිස් මාධ්‍ය ප්‍රකාශකවරයා කියා සිටියා.

ගුවන් තොටුපළේ විශේෂ කවුළුවක් ස්ථාපනයට පියවර

බණ්ඩාරනායක ජාත්‍යන්තර ගුවන්තොටුපළේ වහාම ක්‍රියාත්මක වන පරිදි අද දිනයේ සිට ගුවන්තොටුපළේ විශේෂ කවුළුවක් තුළින් ගුවන්තොටුපළේ පිටව යන පුද්ගලයින් විශේෂ උණ පරික්ෂාවකට ලක් කිරිමට පියවර ගන්නා බව සෞඛ්‍ය සේවා අධ්‍යක්ෂ ජනරාල් අනිල් ජාසිංහ මහතා සඳහන් කලේය.

අද (18) කෙරෝනා මර්දනය වෙනුවෙන් පැවති මාධ්‍ය සාකච්ජාවකට  එක්වෙමින් අනිල් ජාසිංහ මහතා මේ බව පැවසීය.

ඒ  අනුව යම් රෝගි තත්ත්වයක් පැවතුණහොත් එම පුද්ගලයාට රටෙන් පිටව යාමට ඉඩ ලබා නොදෙන බවත් මෙය දියුණු රටවල ඉතා සක්‍රියව ක්‍රියාත්මක කරන බවත් විශේෂයෙන් චිනය වැනි රටවල මෙය ක්‍රියාත්මක කරන බවත් එම නිසා මෙය ලංකාවේත් ක්‍රියාත්මක කිරිමට පියවර ගන්නා බවත්ය.

රාත්‍රී සමාජ ශාලා සහ ඔට්ටු ඇල්ලීමේ මධ්‍යස්ථාන වසා දමන ලෙස ඉල්ලීමක්

රාත්‍රී සමාජ ශාලා සහ ඔට්ටු ඇල්ලීමේ මධ්‍යස්ථාන තාවකාලික වසා දමන ලෙස සෞඛ්‍ය සේවා අධ්‍යක්ෂ ජනරාල් අනිල් ජාසිංහ මහතා අදාළ පාර්ශ්වවලින් ඉල්ලීමක් කළේය. ජාසිංහ මහතා කියා සිටියේ වසංගත තත්ත්වයට පත්ව ඇති කොරෝනා වසංගතය පාලනය කිරීම සදහා රජය ගන්නා පියවරක් ලෙස මෙම ඉල්ලීම කරන බවයි.

දඹදිව වන්දනාකරුවන් ගෙන්වා ගත් වහාම නිරෝධනයට – යුද්ධ හමුදාපති

දඹදිව වන්දනාවේ ගොස් මේ වන විට ඉන්දියාවේ රැඳී සිටින ශ්‍රී ලාංකික වන්දනාකරුවන් දිවයිනට ගෙන්වා ගැනීම සඳහා ශ්‍රී ලන්කන් ගුවන් යානයක් නවදිල්ලිය වෙත පිටත් කර යැවීමට සැලසුම් කර තිබෙන බවත් මෙලෙස පැමිණෙන පිරිස අනිවාර්යයෙන් නිරෝධායනයට යොමු කිරීමට සිදුවන බව අද (18) පැවති මාධ්‍ය හමුවකට එක්වෙමින් යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පවසා සිටියේය.

රු. 6000ක උපරිම මිලකට පෞද්ගලික රෝහල් වලට පී.සී.ආර් පරීක්ෂණය කිරීමට අවසර

දැඩි සීමා යටතේ පෞද්ගලික රෝහල් වලට පී.සී.ආර් පරීක්ෂණය කිරීමට අවසර දීමට රජය තීරණය කර තිබේ. රු.6000ක උපරිම මිලකට යටත්ව එම පරීක්ෂණ සිදු කළ යුතු බවයි රජය පවසන්නේ.

රොෂාන් මහානාම ස්වයං නිරෝධායනයට

පී.එස්.එල් තරඟාවලියේ තීරකවරයෙක් ලෙස කටයුතු කල රොෂාන් මහානාම මහතා අද (18) පෙරවරුවේ සිට සිය නිවස තුල නිරෝධායනයේ යෙදෙන බව වාර්තා වේ.

පොලිස් දින – පොලිස් සහන දින සතියක් නවත්වයි

මේ වන විට ශ්‍රී ලංකාව තුළ කොරෝනා වෛරසය ව්‍යාප්ත විමේ අවදානමක් පැවතිම හේතුවෙන් පොලිස් මුලස්ථානයේදි පවත්වනු ලබන මහජන සහන දිනය හා පොලිස් නිලධාරින් වෙනුවෙන් පවත්වන සහන දිනය සති දෙකක කාලයක් සඳහා නොපැවැත්වෙන බව පොලිස් මාධ්‍ය අංශය සඳහන් කරයි.

Ad Widget

Recommended For You

About the Author: Editor

Leave a Reply

Your email address will not be published.