කොරෝනා වසංගතයේදී ලංකාවේ ආරම්භය ඉතාලියටත් වඩා භයානකයි – GMOA

Italy vs Sri Lanka situation (Chart) We are in a worst situation compared to Italy at the end of first 7 days(from 1st Local Case)
Peak of the COVID-19 in Sri Lanka can be expected during New Year Season if we do not take more aggressive decisions as suggested by WHO.

ගෝලීය වසංගතයක් බවට පත්ව ඇති නව කොරෝනා වෛරසය ආසාදනය වූවන් ගෙන් සියයට 4ක් මිය යාමේ තත්ත්වයක් මේ වන විට පෙන්නුම් කරන බව රජයේ වෛද්‍ය නිලධාරීන්ගේ සංගමය අවධාරණය කරයි. ඊයේ (19) කොළඹ පැවති මාධ්‍ය හමුවකදී රජයේ වෛද්‍ය නිලධාරීන්ගේ සංගමය සම්බන්ධව අදහස් දැක්වූ අතර වෛරසය ව්‍යාප්තවීම හමුවේ කැපකිරීම් කිරීමට සිදුවිය  හැකි බවත් එම සංගමය වැඩි දුරටත්පවසයි.

මේ වන විට වෛරසය මෙරට තුළ ව්‍යාප්තවීම සිදුවෙමින් ඇති බවත් එබැවින් එම ප්‍රමාණය කොළඹ කොපමණද හෝ ලංකාවේ වෙනත් ප්‍රදේශවල  කොපමණද යන්න පැවසිය නොහැකි බවත් රජයේ වෛද්‍ය නිලධාරීන්ගේ සංගමයේ අදහස වී තිබේ.

මෙම මාධ්‍ය හමුවේදී අදහස් දක්වමින් රජයේ වෛද්‍ය නිලධාරීන්ගේ සංගමයේ හරිත් අලුත්ගේ පවසා සිටියේ වෛරසය පැතිර යන අවස්ථාවේ ප්‍රමාදවී ගනු ලබන තීන්දු තීරණවල  වගකීම ගන්නේ කවුද යන්න  ප්‍රශ්නයක් වී ඇති බවත්මේ වන විට නිරෝධායනය කෙරෙන ප්‍රධාන මධ්‍යස්ථාන ආශ්‍රිතව අඩුපාඩු රැසක් ඇති බවත් වෛද්‍ය , හෙද සහ අනෙකුත් කාර්‍ය මණ්ඩල වලට අවශ්‍ය මුහුණු ආවරණ වල පවා හිඟයක් ඇති බවයි.

මරාගෙන මැරෙන්න සූදානමින් මෙන් රෝගීන් බැලීමට යාමට සෞඛ්‍ය කාර්‍ය මණ්ඩල වෙත  නොහැකි බවත් වෛද්‍ය අලුත්ගේ මෙහිදී   අවධාරණය කර සිටියේය.

” පෞද්ගලික සෞඛ්‍යාරක්ෂිත උපකරණ නැතුව රෝගීන් වෙත ප්‍රතිකාර කිරීමට ගොස් ඔවුන් ස්පර්ශ වුණොත් , ප්‍රතිකාර කිරීමට යාමට සිදුවුණහොත් ඒ වෛද්‍යවරයා, හෙදිය හෝ අනෙක් කනිෂ්ඨ නිලධාරීන් දවස් 14ක් නිවෙස් වල තබා නිරෝධායනය කරන්න වෙනවා. කවුද එතකොට ප්‍රතිකාර කරන්නේ ? ඒ නිසා දැන් ඉල්ලීම් කර කර ඉන්න එක ප්‍රමාණවත් නෑ . තීන්දු තීරණ අරගෙන වැඩ කරන්න ඕන.

ඉතාලියේ වෛරසය පැතිරීම සිදුවී දින 23ක් ගියා ඒ රට ලොක්ඩවුන් (lockdown) කරන්න. ආසාදනය ව්‍යාප්තිය අතින් ඉතාලියට උඩින් ලංකාව ඉන්නෙ. අපේ තවම දවස් 9යි. ඉතාලිය ජනගහනයට අනූව ICU බෙඩ් වැඩිම රටක්. අපේ වගේ නෙවෙයි. එච්චර පහසුකම් ඇති ඉතාලියේ තත්ත්වය මෙහෙම නම් අපි කොහෙන් කෙළවර වෙයිද ?මේ වෙනකොට ලෝක සෞඛ්‍ය සංවිධානය පවා අපේ රටවලට දැඩි අවධානම් නිවේදන නිකුත්කර තියෙන්නේ.

රටම ලොක්ඩවුන් කරන්න විදියක් නැත්නම් එය  කිරීමට පෙර අඩුගානේ ආසාදිතයින් හමුවූ ප්‍රදේශ ටික  හඳුනාගෙන ඒ ප්‍රදේශ ලොක්ඩවුන් කරන්න කියලා අපි ඉල්ලනවා‘

මෙහිදී දඹදිව වන්දනාවේ ගොස් සිටයදී මෙරටට ගෙන්වා ගත් 1000කට අධික පිරිසක් නිරෝධානයට ලක් නොකර ස්වයං නිරෝධානය සදහා යැයි කියමින් ඔවුන්ගේ නිවෙස් වෙත පිටත් කර යැවීම ද වෛද්‍ය අලුත්ගේගේ දැඩි විවේචනයට ලක්විය.

නිරෝධායනයට ලක්නොකිරීම තුළ ප්‍රතිඵල ලැබීමට තවත් දින 14ක් යන බවත් ඔහු එහිදී සිහිපත් කළේය.

මේ අතර රජයේ වෛද්‍ය නිලධාරීන්ගේ සංගමය විසින් පළ කළ ට්ව්ටර් පණිවුඩයක් ද ජාත්‍යන්තර මාධ්‍යවල අවධානයට ලක්ව තිබේ. එහිදී කියා ඇත්තේ ශ්‍රී ලංකාවේ වත්මන් තත්ත්වය මේ වන විට අති භයානක වසංගත තත්ත්වයකට මුහුණ දෙන ඉතාලියටත් වඩා අවදානම් බවයි. ප්‍රස්තාර සටහනක් මගින් ද මේ තත්ත්වය පැහැදිලි කිරීමට රජයේ වෛද්‍ය නිලධාරීන්ගේ සංගමය පියවර ගෙන තිබුණි.

Italy vs Sri Lanka situation (Chart) We are in a worst situation compared to Italy at the end of first 7 days(from 1st Local Case)
Peak of the COVID-19 in Sri Lanka can be expected during New Year Season if we do not take more aggressive decisions as suggested by WHO.

Ad Widget

Recommended For You

About the Author: Editor

Leave a Reply

Your email address will not be published. Required fields are marked *