ගම්පහ සමෘද්ධි ප්‍රතිලාභීන්ට අත්‍යවශ්‍ය භාණ්ඩ හා එළවළු මල්ලක්

ගම්පහ දිස්ත්‍රික්කයේ සමෘද්ධි ප්‍රතිලාභීන්ට ඔවුන්ගේ සහනාධාරයෙන් අඩුකිරීමේ පදනම මත අත්‍යවශ්‍ය භාණ්ඩ හා එළවළු මල්ලක් ලබා දීමට තීරණය කෙරේ. කාර්මික අපනයන, ආයෝජන ප්‍රවර්ධන සංචාරක හා ගුවන්සේවා ඇමති ප්‍රසන්න රණතුංග මහතාගේ උපදෙස් පරිදි එය ක්‍රියාත්මකයි.

ඇදිරි නීතය පවතින කාලය තුල ගම්පහ දිස්ත්‍රික්කයේ ජනතාවට අත්‍යවශ්‍ය භාණ්ඩ ලබාදීම සම්බන්ධයෙන් අද (23) මිනුවන්ගොඩ විවිධ සේවා සමූපාකාර සමිතියේදී පැවති සාකච්ඡාවක දී ඇමතිවරයා ඊට අදාල උපදෙස් ල‍බා දුන්නේය.

සමෘද්ධි නිළධාරීන් හරහා ප්‍රතිලාභීන්ගේ නිවෙස් වලටම යවන මෙම අත්‍යවශ්‍ය භාණ්ඩ  වල වටිනාකම රු 1000 කි. එළවළු මල්ල රු 500ක වටිනාකමකින් යුක්තය. මෙම භාණ්ඩ ලබා දෙන සමෘද්ධි ප්‍රතිලාභීන්ගේ අප්‍රේල් මස සහණාධාරයෙන් අදාල මුදල අය කර ගැනීමට  සාකච්ඡාවේදී තීරණය කෙරිණි.

ගම්පහ දිස්ත්‍රික්කයේ සියළුම මැතිවරණ බල ප්‍රදේශ ආවරණ වන පරිදි ජනතාවට අත්‍යවශ්‍ය භාණ්ඩ ලබා දීමේ වැඩසටහනක් මේ වන විට ක්‍රියාත්මකයි. රු 500 සහ රු 1000 බැගින් වූ භාණ්ඩ මළු ජනතාවට සිය නිවෙස් අසලට පැමිණෙන ජංගම රථවලින් මිලදී ගත හැකිය. රු 500 එළවළු මල්ලක්ද මිලදී ගැනීමට මෙමගින් පහසුකම් සලසා තිබේ.

මිනුවන්ගොඩ නගරයේ පිහිටි සතිපොළ භූමියේදී මෙම භාණ්ඩ බෙදා හැරීම අද (23) සිදු කෙරිනි. ඇමති ප්‍රසන්න රණතුංග මහතාද එම අවස්ථාවට එක්ව සිටියේය. ගම්පහ දිස්ත්‍රික්කයේ පළාත් පාලන බල ප්‍රදේශ 19ක  වැඩ සටහන ක්‍රියාත්මක කරන අතර ප්‍රාදේශිය ලේකම්වරු වැඩ සටහන අධීක්ෂණය කරනු ලබති. ග්‍රාම නිළධාරීන්වරුන්ට සහ සමෘද්ධි නිළධාරීන්ට සිය හැදුනුම්පත් ඇදිරි නීති අවසර පත්‍රයක් ලෙස භාවිතා කිරීමට හැකියාව තිබේ.

වැලිසර පිහිටි ස.තො.ස ගබඩාවෙන් මේ වන විට ගම්පහ දිස්ත්‍රික්කයේ සමූපකාර සමිති සදහා අත්‍යවශ්‍ය භාණ්ඩ තොග  බෙදා දීම දැන් සිදු කෙරේ. ඇමති ප්‍රසන්න රණතුංග මහතා අද උදෑසන එහි නිරීක්ෂණ චාරිකාවකද නිරත විය. ඇමතිවරයා එහිදි කියා සිටියේ කොරෝනා වසංගතය පාලන කිරීම සදහා ආණ්ඩුව හැකි උපරිමයෙන් කටයුතු කරන බවයි.

මේ මොහොතේ ජනතාවගේ යුතුකම වන්නේ සෞඛ්‍ය අංශ ලබා දෙන උපදෙස් නිසි ලෙස පිළිපදිමින් රජයට සහය පල කිරීම බව ඇමතිවරයා මෙහිදී පෙන්වා දුන්නේය. ඇදිරි නිතිය ඉවත් කළ විට අත්‍යවශ්‍ය භාණ්ඩ ලබා ගැනීම සදහා ජනතාව එක් රැස්වීම වැළක්වීමේ අරමුණින් මෙම වැඩසටහන ක්‍රියාත්මක කරන බවද ඔහු සදහන් කළේය.

මේ අතර ගම්පහ දිස්ත්‍රික්කයේ සියළුම නගර වීදි විෂභීජානු හරණය කිරීමේ වැඩ සටහනක්ද මේ වන විට ආරම්භ කර තිබේ. 

Ad Widget

Recommended For You

About the Author: Editor

Leave a Reply

Your email address will not be published. Required fields are marked *