හෙට මධ්‍යම රාත්‍රියේ දී වත්මන් පාර්ලිමේන්තුව අනිවාර්යෙන් ම විසුරුවා හරිනවා – ඇමැති ප්‍රසන්න

ජනාධිපතිවරයා එක් පක්ෂකයිනුත්, අගමැතිවරයා තවත් පක්ෂයකිනුත් පත් වී ජීවිතේට රටක් ගොඩ නැගිය නොහැකි බවත් රට ගොඩ නැගීමට නම් දෙදෙනා ම එක් පක්ෂයකින් පත් වි ස්ථාවර ආණ්ඩුවක් බිහිවිය යුතු බවත් කාර්මික අපනයන, ආයෝජන ප්‍රවර්ධන, සංචාරක හා ගුවන් සේවා ඇමති ප්‍රසන්න රණතුංග මහතා අවධාරණය කරයි.

හෙට (02) මධ්‍යම රාත්‍රියේ දී වත්මන් පාර්ලිමේන්තුව අනිවාර්යෙන් ම විසුරුවා හරින බව පැවසු රණතුංග මහතා එළඹෙන පාර්ලිමේන්තු මැතිවරණයේ දී ස්ථාවර ආණ්ඩුවක් පත් කර ගැනීමෙන් වර්තමානයේ ජනතාව මුහුණ දෙන ගැටළු රැසක් විසදා ගත හැකි වනු ඇති බව ද පෙන්වා දුන්නේය.

මිනුවන්ගොඩ ශ්‍රී ලංකා පොදුජන පෙරමුණු ගුරු සංගමයේ රැස්විමක දී රණතුංග මහතා මේ බව සදහන් කළේය. රැස්වීම අද (01) උඩුගම්පල ශ්‍රී ලංකා පොදුජන පෙරමුණු කාර්යාලයේ දි පැවැත්විණ.

මෙහි දී වැඩිදුරටත් අදහස් දැක් වු රණතුංග මහතා මෙසේ ද කීවේය.

“පසුගිය මාස 03 අපි කළේ ණයට ගත්ත ආණ්ඩුවක් මේ පාර්ලිමේන්තුවේ අපිට බහුතර බලය ඇත්තේ නෑ. ඒ නිසා විපක්ෂය විවිධ කකුල් මාට්ටු දානකොට තමයි අපිට ආණ්ඩුව ගෙනියන්න වුණේ. 2015 බොරු කන්දරාවක් කියලා බලයට ආපු යහපාලන ආණ්ඩුව බලය පවත්වාගෙන ගියෙත් බොරු වපුරවමින්. යහපාලන ආණ්ඩුව රටට කළ සෙතක් නෑ. රට විනාශ කළා මිසක්. ණය ගන්න තියෙන ඕනෑකමට ජාත්‍යන්තර පදේට නටපු එක තමයි යහපාලන ආණ්ඩුව කළේ යහපාලන ආණ්ඩුව තනිකරම රූකඩයක්. ජිනිවා සම යෝජනා  ක්‍රියාත්මක කරන්න ආණ්ඩුව එකගවුණෙත් ඒ නිසයි. MCC වගේ ගිවිසුම් වලට අත්සන් කළෙත් ඒ නිසා. මෙච්චර මුදලක් දෙනවා කියපු ගමන් අම්මා තාත්තා වුණත් උගස් කරන සෙට් එකක් තමයි යහපාලනයට මුවා වෙලා රට පාලනය කළේ. නමුත් අපි එහෙම නෙමේ. අපිට මොනවා ලැබුණත් වැඩක් නෑ. රට පාවා දීලා. ඒ නිසා අපි ජිනීවා සම යෝජනාවලියෙන් ඉවත් වුණේ. ජිනීවා සම යෝජනාවලියෙන් ඉවත් වීම මේ රටේ ජනතාව ලැබු ඓතිහාසික ජයග්‍රහණයක්. මේ සම යෝජනාවලිය සැකසුවේ කාගේ වුවමනාවටදැ‘යි අද ඒ වෙනුවෙන් පෙනී සිටින අයගෙන් පැහැදිලි වෙනවා. දෙමළ ඩයස්පෝරාවට කඩේ යන උදවිය තමයි අද ලංකාව සමයෝජනාවලියෙන් ඉවත් වුණාම වැළපෙන්නේ.

පසුගිය යහපාලන ආණ්ඩුව කාලයේ ජනපති, අගමැතියි වැඩ කළේ එළ හරකයි, මී හරකයි වගේ. දෙන්නා දෙපැත්තට ඇද්දා. මේ නිසා රට තුළ කිසිම වැඩක් වුණේ නෑ. දැන් සජිත් ප්‍රේමදාස පාර්ශවය කියනවා එයාව අගමැති කරන්න කියලා. ජනාධිපති එක පක්ෂයකිනුත්, අගමැති තව පක්ෂයකිනුත් පත් වෙලා ජීවිතේට මේ රට ගොඩගන්න බෑ. අපිට එහෙම අත්දැකීම් තියෙනවා. මහින්ද – ගෝඨා සුසංයෝගයෙන් තමයි වසර 30 ක යුද්ධයෙන් මුදා ගත්තේ. පසුගිය මාස 03 තුළ විපක්ෂය අපට විවිධ කකුල් මාට්ටු දාද්දි අපි හැකි පමණ යහපාලන ආණ්ඩුව ආපහු හරවා තිබු රටේ ඉදිරි ගමන යථා තත්ත්වයට පත් කරන්න පියවර ගත්තා. නමුත් එය ප්‍රමාණවත් නෑ. හෙට මේ පාර්ලිමේන්තුව විසුරුවා හරිනවා. මේ මහා මැතිවරණයේ දී තුනෙන් දෙකක බහුතර බලයක් සහිත ආණ්ඩුවක් පත් කර ගත යුතුයි. එතකොටයි 19 වන ආණ්ඩුක්‍රම ව්‍යවස්ථාව හරහා මේ රට පත් කර ඇති උගුලෙන් රට බේරා ගත හැකි පරිදි ව්‍යවස්ථා සංශෝධනයකට යා හැක්කේ.

මේ දිනවල රටේ උද්ඝෝෂණ රැල්ලක් ක්‍රියාත්මක වෙනවා. ජනාධිපති ගෝඨාභය රාජපක්ෂ මහතාත්, අගමැති මහින්ද රාජපක්ෂ මහතාත් මේ රටේ ප්‍රජාතන්ත්‍රවාදය අගයකරන නායකයන්. ඒකයි යහපාලන ආණ්ඩුව වගේ උද්ඝෝෂකයන්ගේ ඔළු පලන්නේ නැත්තේ. අපි ජනතාවගේ සාධාරණ ඉල්ලීම් ඉටු කර දීමට හැම විටම මැදිහත් වෙනවා. ගුරුවරු පහුගිය දවසක ලෙඩ නිවාඩු දැම්මා. අපි ඒ වන විටත් ගුරුවරුන්ගේ ප්‍රශ්න විසදන්න කැබිනට් පත්‍රිකාවක් ඉදිරිපත් කරලයි තිබුණේ. මේ රටේ ගුරුවරුන්ගේ ප්‍රශ්න වලින් 75% ක් 80% ක් ම අපි විසදලා ඉවරයි.

පසුගිය ජනාධිපතිවරණයේ දී TNA එක රිෂාඩ් බදුර්දීන්ලා උදව් කරේ සජිත්ට. සජිත් මෙවර තරග කරන්නේ ඒ අයව එකතු කරගෙන. නමුත් අන්තවාදී දෙමළ මුස්ලිම් පක්ෂ සමග අපි කිසිම ඇයි හොදයියක් නෑ. අපි රට පාවා දෙන කිසිවෙකු සමග කිසිම මොහොතක බලය වෙනුවෙන් එකතු වෙන්නේ නෑ. අපි පසුගිය මැතිවරණ වලට වගේම මෙවර මහා මැතිවරණයට ඉදිරිපත් වෙන්නේත් පොදුජන පෙරමුණෙන්, පොහොට්ටුව ලකුණින්. දැන් පොහොට්ටුවට පෙරේතයෝ, කුම්භාණ්ඩයෝ එනවා. ඒ නිසා ජනතාව මේ මැතිවරණයේ දී ඉතා කල්පනාවෙන් වැඩ කළ යුතුයි.

Ad Widget

Recommended For You

About the Author: Editor

Leave a Reply

Your email address will not be published. Required fields are marked *