Full Story: Covid 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ පැවැති මාධ්‍ය හමුව

රාජගිරියේ පිහිටි කොවිඩ් – 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ අද (19) පැවැති මාධ්‍ය සාකච්ඡාවේදී සෞඛ්‍ය අමාත්‍යවරිය, යුද්ධ හමුදාපතිවරයා, පොලිස් මාධ්‍ය ප‍්‍රකාශකවරයා සහ සෞඛ්‍ය සේවා අධ්‍යක්ෂ ජනරාල්වරයා දැක් වූ අදහස්වල සාරාංශය.

ජනතාව හැසිරෙන්නේ කිසිම වගකීමක් නැති ආකාරයෙන් – සෞඛ්‍ය ඇමැතිනිය

මෙරට ජනතාවට තවම මේ පවතින කෙරෝනා වෛරසය සම්බන්ධයෙන් කිසිම වගකිමක් නැති බව ඔවුන්ගේ ක්‍රියා කලාපයන් අනුව පෙනි යන බව සෞඛ්‍ය අමාත්‍ය පවිත්‍රි වන්නිආරච්චි මහත්මිය ප්‍රකාශ කළාය.

වැඩි දුරටත් අදහස් දක්වමින් සෞඛ්‍ය අමාත්‍යවරිය මෙසේද පැවසුවාය.

‘කොරෝනා වෛරසය නිසා ඇතිවී තිබෙන අර්බුදය විසදිමේ හැකියාවක් රජයට තිබෙනවා. නමුත් රටේ ජනතාවට මේ සම්බන්ධයෙන් යම් වගකිමක් ඇති නිසා විමසිලිමත්ව ක්‍රියා කිරිමට වගබලා ගත යුතුයි. ජනතාවගේ නිසි සහායක් නැති තැන මේ අර්බුදය ජය ගැනීම අසීරුයි.

මම නියෝජනය කරන රත්නපුර ප්‍රදේශයේද මේ වන විට රෝගින් 3 දෙනෙකු පමණ හදුනා තිබුණත් එම ප්‍රදේශවලද ජනතාව කඩ සාප්පු වීවෘත කර ගනිමින් අනවශ්‍ය රාජකාරිවල නිරිත වෙමින් මාර්ගවල සැරිසරණවා. මේ වැඩ නිසා තමයි මේවැනි ව්‍යසනයකට රට ගොදුරු වුණේ. මේ නිසා රජය විසින් පනවන නීති වලට යටත්ව කටයුතු කිරිමට වගබලා ගත යුතුයි’

මේ දිනවල අනවශ්‍ය පුද්ගල එක්රැස්වීම්, ගමන් බිමන්, සංචාර හැකි තරම් සීමා කරන ලෙස තව දුරටත් ජනතාවගෙන් ඉල්ලා සිටින බවත්, රෙදිපිළි අලෙවිසැල් වැනි ස්ථානයන් හි ජනතාව තවමත් එක් රැස්වී සිටිනු තමා දුටු බවත් පැවසූ අමාත්‍යවරිය එවැනි අලෙවි සැල් වසා දමන ලෙසත් ඉල්ලීමක් කළාය.

රටක් ලෙස එක්ව ගෙන යන මෙම වැඩපිළිවෙළට ජනතාව මේ අවස්ථාවේදී සහයෝගය ලබා දිය යුතු බවද අමාත්‍යවරිය පැවසූවාය.

ගුවන් යානා 16 කින් ආ 1500 ක් නිවෙස්වල සිට නිරෝධායනයට – යුද්ධ හමුදාපති

පුද්ගලයින් 1500 දෙනකු ඊයේ (18) දිනයේදී ගුවන් යානා 16කින් ශ්‍රී ලංකාවට පැමිණ ඇති බවත් ඒ සියලු දෙනාට නිවසේ සිටම නිරෝධායන කටයුතුවල නියැලෙන ලෙස විශේෂ උපදෙස් ලබා දී ඇති බවත් කොරෝනා පාලනය සඳහා වන ජාතික මෙහෙයුම් මධ්‍යස්ථානයේ ප්‍රධානි යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පැවසීය.

එම උපදෙස් කටයුතු සඳහා මහජන සෞඛ්‍ය පරීක්ෂකවරුන්, පොලීසිය සහ යුද හමුදාව ඊයේ සවසම ඔවුන්ගේ නිවෙස් සඳහා යොමු කළ බවද යුද හමුදාපතිවරයා සඳහන් කළේය.

මෙම වයිරස් තත්ත්වය හේතු කරගනිමින් ලංකාවේ දැන රැදී සිටින විදෙස් ජාතිකයින් සඳහා හිරිහැර නොකරන ලෙසද රජය විසින් ඔවුන්ට කිසිදු තහනමක් පනවා නැතැයිද ඉන්දියාවේ වන්දනාවේ ගොස් සිටින පිරිස ශ්‍රී ලංකාවට ගෙන්වා ගැනීමෙන් අනතුරුව ඔවුන් නිරෝධායන කටයුතුවලට යොමු කරන බවත් යුද හමුදාපතිවරයා වැඩි දුරටත් සදහන් කළේය.

අක්ෂි හා දන්ත සේවා හදිසි සේවාවක් බවට පත් කරනවා – සෞඛ්‍ය සේවා අධ්‍යක්ෂ ජෙනරාල්

වර්ධනය වෙමින් පවතින කෙරෝනා තත්ත්වය සැලකිල්ලට ගනිමින් සෞඛ්‍ය අමාත්‍යාංශය මගින් අක්ෂි වෛද්‍ය සේවාවන් හා දන්ත සේවාවන් තවදුරටත් හදිසි සේවාවක් ලෙස පවත්වා ගෙන යාමට තීරණය කළ බව සෞඛ්‍ය සේවා අධ්‍යක්ෂ ජෙනරාල් අනිල් ජාසිංහ මහතා පැවසුවා.

එම සේවාවන් රෝගියා හා සෘජුව කටයුතු කළ යුතු සේවාවන් බැවින් එම සේවාවන් හදිසි සේවාවක් බවට පත් කිරීමට තිරණය කළ බවයි ජාසිංහ මහතා පැවසුවේ.

මෙරට සිටින විදේශිකයන්ට කරදර කරන්න එපා – නියෝජ්‍ය පොලිස්පති

ශ්‍රී ලංකාවට පැමිණ මේ මොහොතේ රට තුළ රැඳී සිටින විදේශික ජනතාව හිරිහැර කිරිමෙන් වළකින්නැයි නියෝජ්‍ය පොලිස්පති අජිත් රෝහණ මහතා ජනතාවගෙන් ඉල්ලීමක් කළා.

විදේශිකයින් විසින් ලංකාවේ ආර්ථිකයට විශාල දායකත්වයක් දක්වන බවත්
එබැවින් අව මානසික තත්ත්වයෙන් මිදී සැකකටයුතු විදේශිකයින් ගැන පමණක් ආරක්ෂක දැනුවත් කරන ලෙසත් එසේ නොවන අවස්ථාවල කිසිවිටෙකත් විදෙස් ජාතිකයින්ට හිරිහැර කිරීමෙන් හෝ ඔවුන් අපහසුතාවයට පත් කිරීමෙන් වළකින ලෙසත් පොලිස් මාධ්‍ය ප‍්‍රකාශකවරයා වැඩි දුරටත් ඉල්ලා සිටියා.

ඔවුන්ට නරක ලෙස සැලකිමේ ප්‍රතිවිපාකයන්ට අනාගතයේ මුහුණ දීමට සිදු වෙන බවත් පැවසු අජිත් රෝහණ මහතා සියලු විදේශිකයින්ට කරදරයක් වන ලෙස නොහැසිරෙන ලෙසත් ඉල්ලීමක් කළේය.

Ad Widget

Recommended For You

About the Author: Editor

Leave a Reply

Your email address will not be published.