Political Week Review: සිරිසේනට එරෙහි ගම්පහ ලීඩර්ගේ සටන දිගටම

මේ දිනවල පාර්ලිමේන්තු මන්ත්‍රීධූර අපේක්ෂකයෝ ලහි ලහියේ සුදානම් වෙන්නේ ඉදිරි මැතිවරණටය. හිටපු මැති ඇමතිවරු මෙන්ම අලුත් අපේක්ෂකයෝ ද ඉදිරි මැතිවරණය සම්බන්ධයෙන් දැනටමත් ප්‍රචාරක කටයුතු ද අරඹා ඇත්තේ මැතිවරණ දින නියම වීමත් සමග මැතිවරණ ප්‍රචාරක කටයුතු සීමා වන නිසාය.

ඇමති ප්‍රසන්න රණතුංග පසුගිය බදාදා සිය මැතිවරණ ඡායාරූප ගන්නට ගියේ ප්‍රවීණ ඡායාරූප ශිල්පි ප්‍රසන්න හෙන්නායක ලගටය. ප්‍රසන්නගේ පියා වන රෙජීගේත් මැතිවරණ වලට පිංතූර ගත්තේ හෙන්නායකගෙනි.

ඡායාරූප ගැනීමට පෙර කථා කරමින් සිටිය දී ප්‍රසන්නගේ අතේ තිබු ඔරලෝසුව දුටු හෙන්නායක ඇහුවේ ‘ආ ඔය වගේ ඔරලෝසුවක් තාත්තාටත් තිබුණා නේදැ‘යි’ කියාය.

‘ඔව්… මේක තාත්තාගේ ඔරලෝසුව තමයි අයියේ ‘ ප්‍රසන්න කීවේය.

‘තාත්තා අන්තිමට මෙයාට කථා කරලා තියෙන්නේත් ඔය ඔරලෝසුව නිසානේ’. ප්‍රසන්නගේ බිරිද මොරීන් කීවාය.

‘ඒ මොකක්ද ඒ කථාව ‘ හෙන්නායක ඇසුවේය.

‘නෑ අයියේ තාත්තා මේ ඔරලෝසුවට හරි ආසයි. දවසක් මම මැලේසියා යද්දි තාත්තා මට මේ ඔරලෝසුව දුන්නා සර්විස් කරන් එන්න කියලා ‘. ප්‍රසන්න කිවේය.

‘ඉතිං ඉතිං…. ‘ හෙන්නායක ඇසුවේ ප්‍රසන්නව තවත් උනන්දු කරමිනි.

‘ මැලේසියාවේ දී මේ ඔරලෝසුව සර්විස් කරන්න හෙණ ගාණක් ඉල්ලුවා. පස්සේ මම ඕක තාත්තාට කියන්න තමයි කථා කළේ. එතකොට තාත්තා ඉස්පිරිතාලේ. තාත්තා කිවුවා ඔරලෝසුව ආපහු ගේන්න කියලා’ . ප්‍රසන්න කීවේය.

‘ හැබැයි තාත්තා මට තව දෙයක් කිව්වා…ඉක්මණට ඇවිත් මේ මිනිසුස් ගැන බලන්න. මොකද ඒ අය අපි ගැන ලොකු බලාපොරොත්තුවකින් ඉන්නේ කියලා’. ඒක තමයි තාත්තා මා එක්ක කරපු අන්තිම කථාව.  ප්‍රසන්න කීවේය.

‘මම මේ ඔරලෝසුව බදින්නේ ඉතාම විශේෂ අවස්ථාවක. මම හොද වැඩක් කරන්න පටන් ගන්න හැමවෙලාවකම මම බදින්නේ තාත්තාගේ ඔරලෝසුව. තාත්තා මා එක්ක ඉන්නවා වගේ හැගීමක් මට එතකොට තියෙනවා ‘. ප්‍රසන්න කීවේ හැගීම්බරවය.

මෛත්‍රීපාල සිරිසේන හිටපු ජනාධිපතිවරයාගේ උකුස්සා කථාව ද පසුගිය සතියේ දේශපාලන ලෝකය කළඹන්නට සමත් වූයේ ය. මේ ගැන ප්‍රසන්න කට ඇරියේ මහර සහන් ප්‍රදීපගේ කාර්යාලය විවෘත කිරීමේ අවස්ථාවේදී ය. ඒ පසුගිය බ්‍රහස්පතින්දා ය.

‘ මෛත්‍රී කියලා තියෙනවා එයා දියකාවගේ කටේ තිබුණ මාළුවා ඩැහැ ගන්න උකුස්සා වගේ කියලා. මෛත්‍රී ඔය ජඩ වැඩේ තමයි 2015 දීත් කළේ. මහින්ද මහත්තයාගේ ජයග්‍රහණය උදුර ගත්තා. මොන සන්ධාන ගැහුවත් කමක් නෑ. පොහොට්ටුවෙන් එන මෛත්‍රීගේ නම ගෑවුණු එකෙකුටවත් ඡන්දේ දෙන්න එපා ‘. ප්‍රසන්න මෙහි දී දැඩි ව කීවේය.                                                                                                                                                                                            

Ad Widget

Recommended For You

About the Author: Editor

Leave a Reply

Your email address will not be published. Required fields are marked *