Covid Center Press: රෝගීන් වාර්තාවීම අවම තත්ත්වයට – සෞඛ්‍ය ඇමතිනි පවිත්‍රා

කොවිඩ්-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ දී අද (4) දින පැවැත්වූ මාධ්‍ය හමුවේදී සෞඛ්‍ය, පෝෂණ හා දේශීය වෛද්‍ය සේවා ඇමතිනි පවිත්‍රා වන්නිආරච්චි මහත්මිය, ආරක්‍ෂක මාණ්ඩලික ප්‍රධානී, යුද්ධ හමුදාධිපති සහ කොවිඩ්-19 පැතිරීම වැළැක්විමේ ජාතික ක්‍රියාන්විත මධ්‍යස්ථානයේ ප්‍රධානී ලුතිනන් ජෙනරාල් ශවේන්ද්‍ර සිල්වා, සෞඛ්‍ය සේවා අධ්‍යක්‍ෂ ජෙනරාල් විශේෂඥ වෛද්‍ය අනිල් ජාසිංහ මහතා සහ නියෝජ්‍ය පොලිස්පති නීතිඥ අජිත් රෝහණ මහතා දැක්වූ අදහස්වල සම්පූර්ණ කතාව

කොවිඩ් රෝගීන් වාර්තාවීම අවම තත්ත්වයට පත්ව තිබෙනවා –  සෞඛ්‍යඇමතිනි පවිත්‍රා වන්නිආරච්චි

අද (04) දිනය වන විට රෝහල්ගත කර ඇති රෝගීන් සංඛ්‍යාව 528 ක් ලෙස සඳහන් වේ. එසේම වෛරස් රෝගය සුව වූ රෝගීන් ප්‍රමාණය 187 දෙනෙකු වේ. ඒ වගේම මෙම රෝහල්ගත කර සිටින 528 දෙනාගෙන් 326 දෙනෙක්ම ගෞරවනීය නාවික හමුදා සාමාජිකයන් හෝ ඔවුන් සමීපව ඇසුරු කළ පුද්ගලයන් වේ.

එසේම, ඊයේ (03) දිනයේ වාර්ථා වූ රෝගීන් 13 දෙනා සලකා බැලිමේදී එයින් 11 දෙනෙකු නාවික හමුදාවේ සාමාජිකයන් වන අතර, අනෙක් දෙදෙනා ඔවුන් සමීපව ඇසුරු කළ පුද්ගලයන් වේ. පසුගිය දින කිහිපය තුළ රෝගින් වාර්ථා වීම වැඩි අගයක් වූවත් අද දිනය වන විට එය අවම මට්ටමකට පැමිණ ඇත. විශේෂයෙන් මේවන විට ගෞරවනීය නාවික හමුදාවේ සාමාජිකයන් හැරුණු කොට වෙනත් අයවළුන් හට වෛරසය ආසාදනය වී නොමැති බැව් වාර්ථා වනු ඇත.     

අනිකුත් රටවල මෙන් වෛරසය පැතිරයාමට නොදී පාලනය කරගැනීමට හැකිවී ඇත්තේ ගරු ජනාධිපතිතුමන්ගේ සහ අග්‍රාමාත්‍යතුමන්ගේ උපදෙස් පරිදි ත්‍රිවිධ හමුදාවේ සහ සෞඛ්‍ය අංශවල දැඩි සුපරික්‍ෂාකාරි කැපකිරිම මගින් නිරෝධායනයට ලක් කිරිමෙනි. ඒනිසා ලංකාවේ අප සියළුදෙනාම වගකීමකින් සහ දැඩි පරිශ්‍රමයකින් ක්‍රියාකිරිමෙන් මෙම වෛරසය පාලනය කරගැනීමට හැකිවනු ඇත. ඉදිරියේදීත් ඇදිරි නීතිය ඉවත් කරන කාලසීමාව තුළ ජනතාව සෞඛ්‍ය උපදෙස් පිලිපදිමින් වගකීමෙන් කටයුතු කර වෛරසය සමාජගතවීම වලක්වා ගන්නා මෙන් ඉල්ලා සිටිමි.

වැලිසර නාවික සෙබළු ඇසුරු කළ 1031ක් නිරෝධානයට –  ලුතිනන් ජෙනරාල් ශවේන්ද්‍ර සිල්වා

අද (04) දින අළුයම ලන්ඩන් (London) සිට ශ්‍රී ලංකන් මගී ගුවන් යානයක් මගින් 208 දෙනෙකුගෙන් යුත් සිසුන් කණ්ඩායමක් දිවයිනට පැමිණෙන ලදී.

එසේ පැමිණි ඔවුන් සියළු දෙනා ත්‍රිවිධ හමුදාව විසින් පාලනය කරනු ලබන නිරෝධායන මධ්‍යස්ථාන වෙත නිරෝධායන ක්‍රියාවලිය සඳහා යොමු කරන ලදී.

එසේම, ලන්ඩන් (London) සිට ශ්‍රී ලංකන් මගී ගුවන් යානයක් මගින් සිසුන් සහ රාජ්‍ය සේවකයන් ඇතුළුව පුද්ගලයින් කණ්ඩායමක් හෙට (05) දින අළුයම දිවයිනට පැමිණීමට නියමිතව ඇත.

එසේ පැමිණෙන ඔවුන් සියළු දෙනා ත්‍රිවිධ හමුදාව විසින් පාලනය කරනු ලබන නිරෝධායන මධ්‍යස්ථාන වෙත නිරෝධායන ක්‍රියාවලිය සඳහා යොමුකිරීමට මේවන විට සියළු කටයුතු සූදානම් කර ඇත.

ත්‍රිවිධ හමුදාව විසින් පවත්වාගෙන යනු ලබන නිරෝධායන මධ්‍යස්ථාන වන මාදුරුඔය වෙතින් බේරුවල ප්‍රදේශයෙන් නිරෝධායනය සඳහා පැමිණි පුද්ගලයින් 119 දෙනෙකු හා නිපුන බූස්ස වෙතින් 10 දෙනෙකු ඇතුළුව පුද්ගලයන් 129 දෙනෙකු නිරෝධායන ක්‍රියාවලියෙන් අනතුරුව, PCR පරික්‍ෂණය සිදුකර අද (04) දින තම නිවෙස් වෙත පිටත් කරන ලදී.

අද (4) දිනය වන විට ත්‍රිවිධ හමුදාව විසින් පවත්වාගෙන යනු ලබන නිරෝධායන මධ්‍යස්ථාන තුළින් පුද්ගලයින් 5052 දෙදෙනෙකු නිරෝධායන ක්‍රියාවලිය අවසන්වී තම නිවෙස් වෙත පිටව ගොස්  ඇත.

මේවන විට නාවික හමුදාවේ වෛරසය ආසාදිත වූ වීරෝධාර රණවිරුවන්ගේ පවුල්වල සාමාජිකයන් සහ ඔවුන් සමීපව ඇසුරු කරනු ලැබු පුද්ගලයින් 1031 දෙනෙකු නිරෝධායන ක්‍රියාවලිය සඳහා නිරෝධායන මධ්‍යස්ථාන වෙත යොමුකර ඇත.

ඒ අනුව ත්‍රිවිධ හමුදාව මගින් පාලනය කරනු ලබන නිරෝධායන මධ්‍යස්ථාන 35 ක් තුළ පුද්ගලයින් 4522 දෙනෙකු මේ වන විට නිරෝධායනය වෙමින් සිටියි.

අද (04) දිනය වන විට නාවික හමුදාව තුළ කොවිඩ්-19 වෛරසය මුළු ආසාදිත රණවිරුවන් සංඛ්‍යාව 296 ලෙස වාර්ථාවනු ඇත. එයින් වැලිසර නාවික හමුදා කදවුර තුළ බහුතරයක් ද කදවුරෙන් පිටත නිවාඩු මත සිට ආසාදිත වූ රණවිරුවන් අවම  සංඛ්‍යාවක් වේ.

මේවන විට ත්‍රිවිධ හමුදා සාමාජිකයන්ට සහ සෞඛ්‍ය අංශ සාමාජිකයන් 223 දෙනෙකුන් සඳහා නිරෝධායන ක්‍රියාවලිය සඳහා සමාජසත්කාරයක් වශයෙන් සියළු සහසුකම් සහිතව වයික්කාල ඩොල්ෆින් හෝටලය නොමිලේ ලබාදී ඇත. එබැවින් ඩොල්ෆින් හෝටලය වෙත විශේෂ ස්තූතියක් පුදකරනු ලබයි.

කොවිඩ් වෛරසය සම්ප්‍රේෂණය වීමේ සම්භාවිතාව ඉතාම අවම මට්ටමක –  සෞඛ්‍ය සේවා අධ්‍යක්‍ෂ ජෙනරාල්

අද (04) දින මේ දක්වා දිවයින තුළ කොවිඩ්-19 ආසාදිතයින් වාර්ථාවී නොමැත. ඒ වගේම ඊයේ (03) දිනය තුළ PCR පරික්‍ෂණ 1636 ක් සිදු කර අති අතර, එයින් 13 දෙනෙකු ආසාදියන් වශයෙන් හදුනාගෙන ඇත. එය ඉතා අඩු ප්‍රතිශතයක් ලෙස සැලකිය හැක.

වැලිසර නාවික හමුදා කදවුරේ තවදුරටත් PCR පරීක‍්‍ෂණ සිදු කරනු ලබයි. එම නාවික සෙබළුන් බහුතරයක් කදවුරු තුළින් ආසාදිත අයවළුන් බැවින් වෙනත් බාහිර අයවළුන් හට වෛරසය සම්ප්‍රේශණය වීමේ සම්භාවිතාව ඉතාම අවම මට්ටමක පවතී. එසේම එම නාවික භටයින් නිවාඩු ලබා ගිය ප්‍රදේශයන්හී PCR පරීක්‍ෂණ සිදු කරනු ලබයි. එ‍සේම කොළඹ නගරයේ සහ රෝහල් තුළ ද ඉලක්ක ගත කණ්ඩායම්හී PCR පරීක්‍ෂණ සිදු කරනු ලබයි.

හැදුනුම්පත් අංක ක්‍රමය රැකියා සදහා දෛනිකව පැමිණෙන අයට අදාළ නෑ-  නියෝජ්‍ය පොලිස්පති නීතිඥ අජිත් රෝහණ

නිරෝධායන ඇදිරි නීතියතවදුරටත් ක්‍රියාත්මක වේ. ඒවගේම ඇදිරි නීතිය ලිහිල් කරන ලද ප්‍රදේශවල අද (04) සහ හෙට (05) යන දෙදින තුළ රාත්‍රි 08.00 සිට අළුයම 05.00 දක්වා ඇදිරි නීතිය ක්‍රියාත්මක වේ. ඒ වගේම පුත්තලම සහ බස්නාහිර පාළාතේ ඇදිරි නීතිය (11) වෙනිදා දක්වා ක්‍රියාත්මක වේ. තවදුරටත්, (06) වන දින රාත්‍රියේ සිට (11) වනදා අළුයම 05.00 දක්වා මුළු දිවයිනටම ඇදිරි නීතිය ක්‍රියාත්මක වනු ඇත. එම කාලසීමා තුළ නීරෝධායන ප්‍රතිපත්ති හා රීතීන් අනුව සහ සෞඛ්‍ය උපදෙස් අනුගමනය කරමින් සියළුම පුද්ගලයන් ක්‍රියාකළ යුතුවේ.       

ඇදිරි නීතිය ආරම්භකළ දින සිට මේ දක්වා පුද්ගලයින් 46,400 ක් පමණ හා වාහන 12,000 කට ආසන්න ප්‍රමාණයක් අත් අඩංගුවට ගෙන ඇත. ගෙවි ගිය පැය 24 ක කාලය තුළ පුද්ගලයින් 1200 ක් පමණ සහ වාහන 314 ක් පොලිස් අත් අඩංගුවට ගෙන ඇත.

මීට පෙර හදුන්වාදෙන ලද හැදුනුම්පත් අංක ක්‍රමය මෙම මස (11) වෙනිදායින් පසුව ඇදිරි නීතිය පවතින ප්‍රදේශයන්හී ක්‍රියාත්මක වන අතර, එය රැකියා සඳහා දෛනිකව පැමිණෙන පුද්ගලයින්ට වලංගු නොවනු ඇත. මෙය හුදෙක්ම රැකියාවක් නොකර විශේෂ අවශ්‍යතාවයක් නොවන පුද්ගලයින් සඳහා වන බැවින් සමාජ දුරස්ථභාවය ලබාගැනිමේ අරමුණින් සිදු කරන අතර, ආහාර හෝ ඖෂධ ලගම වෙළඳ සැලෙන් මිළදීගැනීමට ක්‍රියාකළ යුතු සේම ඉතාම අත්‍යවශ්‍ය කාරනයක් හැරුණු කොට නිවසින් බැහැරව ගමන් නොකරන මෙන් ඉල්ලා සිටිමී. එසේ උපදෙස් පිළිනොපදින අයවළුන් හට නිරෝධායන රීතීන් යටතේ පොලිසිය විසින් ක්‍රියාකරනු ලබයි.

අන්තර්ජාල දත්තවලට අනුව කොරෝනා ව්‍යාප්ත වූ රටවල් ශ්‍රේණිගත කිරිම් වලදී විශේෂයෙන් ඇමරිකාව අංක 1 ලෙසටත් ශ්‍රි ලංකාව අංක 160 වන ස්ථානය ලෙස සඳහන් ව ඇත. මෙයින් පැහැදිලි වනුයේ ත්‍රිවිධ හමුදාව පොලිසිය, සෞඛ්‍ය අංශ සහ රජයේ බලධාරීන්ගේ කැපකිරිම මත මෙම ක්‍රියාවලියේ ප්‍රතිපලයක් ලෙස හැදින්වීමට හැක. එසේම ලෝකයේ ප්‍රබල රාජයන් තුල මරණ අනුපාතය 3% වූවත් එය ලංකාවේ 1% වශයෙන් වූ අවම මට්ටමක පවත්වාගැනීම, සෞඛ්‍ය අංශ ලැබු සුවිශේෂි ජයග්‍රහණයක් වේ. එම තත්ත්වය අප ලබාදුන් උපදෙස් ජනතාව විසින් පිළිපදිමින් සෞඛ්‍ය පුරුදු කෙරෙහි අනුගතවීමක් ලෙස හදුන්වාදිය හැක

Ad Widget

Recommended For You

About the Author: Editor

Leave a Reply

Your email address will not be published.