උදේට දවල්ට රෑට එක පොරොන්දුවක් ගාණේ දෙන සජිත් රට රවටනවා

අලි දෙන්නම් කොටි දෙන්නම් කියන සජිත්ලාගේ පොරොන්දු දේශපාලනයට තවත් දුරටත් රට තුළ ඉඩක් නැතැයි කාර්මික අපනයන, ආයෝජන ප්‍රවර්ධන, සංචාරක හා ගුවන් සේවා ඇමති ප්‍රසන්න රණතුංග මහතා පවසයි. ඔහු පෙන්වා දෙන්නේ මහින්ද – ගෝඨාභය සුසංයෝගය පොරොන්දු දේශපාලනයට තිත තබා ප්‍රතිපත්තිමය දේශපාලනයකට නිරත වෙන  බවයි.

සජිත් රනිල් අතර ඇත්තේ විපක්ෂනායක ධූරයට ඇති රණ්ඩුවක් මිස අගමැතිධූරය හෝ ආණ්ඩුවක් ලබා ගැනීම පිළිබද තරගයක් නොවන බවත් මෙපමණ දවසක් වාග් සංග්‍රාමයක යෙදුණු එම පක්ෂ දෙක දැන් ගුටිකෙළ ගැනීමට පටන් ගෙන ඇති බවත් පවසන ඇමති ප්‍රසන්න රණතුංග මහතා අවධාරණය කරන්නේ හොද හොද සෙල්ලම් එළිවෙන ජාමෙට බවයි.

කටුනායක දහඅටේ කණුව ප්‍රදේශයේ පහුගිය දා පැවති (19) මැතිවරණය ප්‍රචාරක රැස්වීමකට එක්වෙමින් ඇමතිවරයා මේ බව සදහන් කළේය.

මෙහි දී වැඩිදුරටත් අදහස් දැක් වු ප්‍රසන්න රණතුංග මහතා මෙසේ ද කීවේය.

 මේ මැතිවරණයේ දී ගෝඨාභය රාජපක්ෂ මහතා බලාපොරොත්තු වෙන්නේ තුනෙන් දෙකේ බලයක් සහිත පොහොට්ටුවේ ආණ්ඩුවක් රට තුළ ස්ථාපිත කිරීමටයි. පහුගිය යහපාලන ආණ්ඩුව තුනෙන් දෙකේ බලයක් තියාගෙන පාර්ලිමේන්තුව තුළ රටට අහිතකර අණ පණත් රැසක් සම්මත කර ගත්තා. ඒ රටට අහිතකර අණ පණත් අහෝසි කරන්න අපිට තුනෙන් දෙකක බහුතර බලයක් අවශ්‍යයි. ඒකටයි අපි තුනෙන් දෙකක බලයක් ඉල්ලන්නේ. යහපාලනය ගේන්න උදව් කරපු කොටි ඩයස් පෝරාවේ උවමනාවටයි පහුගිය ආණ්ඩුව මේ රටට අහිතකර අණපණත් ගෙනාවේ. යහපාලන ආණ්ඩුව ගෙනාපු රටට අහිතකර අණපණත් තව දුරටත් පැවතුණොත් මේ රටේ අනාගතය ඉතා අවධානම් තත්ත්වයකට පත්වෙනවා. ගෝඨාභය රාපක්ෂ මහතාගේ දැක්ම ක්‍රියාත්මක කරන්න නෛතික පදනමක් අවශ්‍යයි. ඒ නිසයි අපි තුනෙන් දෙකක බලයක් ඉල්ලන්නේ. අපිට ආණ්ඩු ක්‍රම ව්‍යවස්ථා සංශෝධනයකට පවා යන්න වෙයි. එතකොට තුනෙන් දෙකක බහුතර බලයක් අවශයයි.

අද එක්සත් ජාතික පක්ෂය දෙකඩ කැඩිලා. මේ වෙනකොට රනිල් – සජිත් රණ්ඩුව අතින් පයින් ගුටි කෙළ ගන්න තත්ත්වයකට පත්වෙලා. තංගල්ලේ දී එහෙම සිද්ධියක් සිදු වුණා. මේ ගොල්ලෝ මුලින් ලකුණට රණ්ඩු වුණා. ඊටපස්සේ සිරිකොතට රණ්ඩු වුණා. පාටට රණ්ඩු වුණා. මහබැංකු හොරු ඉන්නේ රනිල් ගාව. මහබැංකු හොරකම සාධාරණීයකරණය කරන්න ගේම් ගහපු ෆුට්නෝට් කල්ලිය ඉන්නේ සජිත් ගාව. පාස්කු ප්‍රහාරයට චෝදනා ලබපු අන්තවාදි මුස්ලිම් නායකයන් ඉන්නේ සජිත්ගේ වේදිකාවේ.

සජිත් දෙන බොරු පොරොන්දු වලට අත්පොළසන් දෙමින් ඉන්නවා. ඒ අය පොරකන්නේ ඒ අය ගහගන්නේ තමන්ගේ ගොඩ වැඩි කරගන්න මිස රට හදන්න නෙමෙයි. සජිත් – රනිල් අතර තියෙන්නේ විපක්ෂනායකකමට රණ්ඩුවක් මිසක් අගමැතිකමට තරගයක් නෙමෙයි. රට හදන වැඩපිළිවෙල තියෙන්නේ මහින්ද – ගෝඨාභය සුසංයෝගයට විතරයි.

පොරොන්දු දේශපාලනය අද මේ රටේ ජනතාව ප්‍රතික්ෂේප කරනවා. 2015 යහපාලන ආණ්ඩුව බලයට ආවේ පොරොන්දු මල්ලක් අරගෙන. ඒ ඔක්කොම පොරොන්දු වසර හතර හමාරේ දී කඩ කළා. පොරොන්දු දීලා බලයට ඇවිත් රට විනාශ කරපු යහපාලන නඩය අද මැතිවරණයට තරග කරන්නේ අලුතින් ඉපදිලා වගෙයි. සජිත් ප්‍රේමදාස මහත්තයා පැයෙන් පැයට බොරු පොරොන්දු දෙනවා. උදේ නිවුස් වලට එක පොරොන්දුවක් දෙනවා. දවල් නිවුස් වලට තව පොරොන්දුවක් දෙනවා. රෑ නිවුස් වලට තව පොරොන්දුවක් දෙනවා. ආපහු පහුවදා උදේට තව එකක්.

දැන් අපිටත් කියන්න පුළුවන් මේ මැතිවරණයේ දී ඉරහද ගෙනත් රටට දෙනවා කියලා. නැත්තම් නොමිලේ හාල් ගෙනත් රටට දෙනවා කියලා. ජීවිතේ ට අගමැති වෙන්නේ  නැති බව දන්න  සජිත් එක පිට එක පිට බොරු පොරොන්දු දෙනවා. අපි පොරොන්දු දේශපාලනයට තිත තැබුවා. අපි කරන්නේ ප්‍රතිපත්ති දේශපාලනයක්. කියව කියව ඉන්න දේශපාලනයක් නෙමෙයි වැඩ කරන දේශපාලනයක්. අලි දෙන්නම්, කොටි දෙන්නම් කියන සජිත්ලාගේ පොරොන්දු දේශපාලනයට තවදුරටත් මේ රටේ ඉඩක් නෑ…

Ad Widget

Recommended For You

About the Author: Editor

Leave a Reply

Your email address will not be published.