ඥානසාර හිමිගේ ‘දියවන්නා සිහිනය’ කොටඋඩ !

අපේ ජනබල පක්ෂයේ මහ ලේකම් පූජ්‍ය වේදිනිගම විමලතිස්ස හිමියන් මේ වනවිට අතුරුදන්ව ඇතැයි පූජ්‍ය පාහියන්ගල ආනන්ද සාගර හිමියන් අද (10) මාධ්‍ය හමුවකදී හෙළි කළහ.

මේ තත්ත්වය තුළ පූජ්‍ය ගලගොඩඅත්තේ ඥානසාර හිමියන්ව ජාතික ලැයිස්තු මන්ත්‍රී ධුරය සඳහා නම් කළ බව මැතිවරණ කොමිසමට නිල වශයෙන් දැනුම්දීමට නොහැකි වී නව ගැටලු කිහිපයක් මතු වී ඇති බව ද උන් වහන්සේ සදහන් කළහ.

‘පූජ්‍ය ගලගොඩඅත්තේ ඥානසාර හිමියන්ව අපි ජාතික ලැයිස්තු මන්ත‍්‍රීධුරය වෙනුවෙන් නම් කරලා තිබෙනවා. ඒ බව මැතිවරණ කොමිෂම වෙත නිල වශයෙන් දැනුම්දීමේ වගකීම තිබෙන්නේ අපේ ජනබල පක්ෂයේ මහ ලේකම් පූජ්‍ය වේදිනිගම විමලතිස්ස හිමියන් වෙතයි. ඒත් මේ වනවිට උන් වහන්සේ ආගිය අතක් සොයා ගැනීමට නැහැ. අතුරුදන්ව සිටිනවා.

මෙවර මහ මැතිවරණයෙන් අපේ ජනබල පක්ෂයට හිමි වූ ජාතික ලැයිස්තු මන්ත්‍රී ධුරය සම්බන්ධයෙන් අර්බුදකාරී තත්ත්වයක් මතුවුණා. ඊට හේතුව වුණේ අපේ පක්ෂයේ මහ ලේකම් පූජ්‍ය වේදිනිගම විමලතිස්ස හිමි විසින් තමන් වහන්සේ ජාතික ලැයිස්තු මන්ත‍්‍රීධුරය සදහා තෝරාගෙන ඇති බවට වූ ලිපියක් මැතිවරණ කොමිසම වෙත යැවීමයි.

ඒත් පක්ෂයේ සභාපතිවරයා ඇතුළු පිරිසක් එය වලංගු නොවන බවට මැතිවරණ කොමිසමට කරුණු දැක්වීමට පියවර ගැනීම සමග ඒ ගැටලුව නිමා වුණා. ඊට පසුවජාතික ලැයිස්තු මන්ත්‍රී ධුරය සඳහා පක්ෂයේ සාමාජිකත්වය දරන පූජ්‍ය ගලගොඩඅත්තේ ඥානසාර හිමියන්ව නම් කිරීමට ඊයේ (09) රැස් වුණ අපේ පක්ෂයේ මධ්‍යම කාරක සභාව තීරණය කළා. ඒත් දැන් අලුත් ගැටලුවක් මතු වෙලා තිබෙනවා. මහ ලේකම් හිමියන් සොයා ගන්නා තෙක් කිසිවක් කළ නොහැකියි‘

Ad Widget

Recommended For You

About the Author: Editor(T)

Leave a Reply

Your email address will not be published.