‘පුරුෂ ව්‍යන්ධිකරණය හෙවත් වාසෙක්තම්’ ගැන ඔබ දැනගත යුතුම කරුණු 08ක්

වසෙක්තම් සැත්කමින් පසු, ශුක්‍ර තරලය පිට කිරීමට හැකියාව ඇති නමුත් එහි ශුක්‍රාණු කිසිවක් අන්තර්ගත නොවේ. ශුක්‍රාණු පිට නොවීම නිසා කාන්තාවන් ගර්භනී බවට පත් කිරීමට ‍නොහැක. මෙහි දී පුහුණුව ලත් පුද්ගලයෙක් ශුක්‍ර නාල කපා ගැටගැසීමෙන් මෙම තත්ත්වය ඇතිවේ. වෘෂණ මගින් තව දුරටත් ශුක්‍රාණු නිපද වුවද, ඒවා ශරීරයට අවශෝෂණය වේ.

පවුල් සැලසුම් ක්‍රම ගැන ඔබ දැනුවත් කිරීම සදහා අප විසින් ඔබ වෙත ගෙන එන ලිපි පෙළේ දෙවැනි ලිපිය වන්නේ ‘පුරුෂ ව්‍යන්ධිකරණය හෙවත් වාසෙක්තම්‘ නම් මෙම ලිපියයි. ඔබට විද්‍යාත්මක හා නිවැරදි දැනුම ලබාදිය යුතු නිසා ම අප මෙම ලිපි මාලාව උපුටා ගන්නේ මෙරට පවුල් සැලසුම් සම්බන්ධ දීර්ඝ කාලීන අත්දැකීම් ඇති ප්‍රමුඛතම ආයතනය වන ‘ශ්‍රී ලංකා පවුල් සැලසුම් සංගමය‘ විසින් පවත්වා ගෙන යන නිල අන්තර්ජාල අඩවියෙන්.

පුරුෂ ව්‍යන්ධිකරණය හෙවත් වාසෙක්තම් යනු කුමක්ද ?

තම පවුල සම්පුර්ණ කළ තවත් දරුවන් බලාපොරොත්තු නොවන අඹුසැමියන්ට මෙය ඉතාම ගැලපෙන ක්‍රමයකි. මෙය ඉතා සාර්ථක පවුල් සැලසුම් ක්‍රමයකි. එසේම මෙය ස්ථිර ක්‍රමයක් ද වේ. එය ඉතා පහසුවෙන් කල හැකි වන අතරම, එයින් ඇතිවන අතුරු ආබාධ අවමය.

මෙය විෂබීජවලින් තොර වූ පරිසරයකදී /ශල්‍යගාරයකදී  ඒ පිළිබදව විශේෂඥ වෛද්‍යවරයකු විසින් සිදු කල යුතුය. එසේම මෙය අදාළ ප්‍රදේශය හිරිවැටීමට පත් කර සිදු කරන අතර, රෝගියා සැත්කමට පෙර නිරාහාරව සිටීම හෝ රෝහලට ඇතළු වීම අවශ්‍ය නොවේ.

මෙය ආර්ථික අතින් ඉතා වාසිදායක ක්‍රමයක් වන්නේ දිගින් දිගටම උපත් පාලන ක්‍රම සදහා මුදල් වැය කිරීම හෝ පසු පරික්ෂා අනවශ්‍ය බැවිනි.

නැවත දරුවකු ලැබීමේ හැකියාව සහතික කළ නොහැකි නමුත් මෙය ආපසු හැරවිය හැකි ශල්‍යකර්මයකි. නමුත් එම ආපසු හැරවීමේ ශල්‍යකර්මය ඉතා සංකිර්ණ ශල්‍යකර්මයකි. මේ නිසා යම් කිසි යුවලක් වාසෙක්තම් කිරීමට තිරණය කළ යුත්තේ වාසි අවාසි ආදිය හොදින් සිතා බැලීමෙන් පසුවය.

ඔබට මෙම ක්‍රමය සුදුසු වීමට නම් …

  • අවම වශයෙන් දරුවන් දෙදෙනෙක් සිටිය යුතුය.
  • බාලම දරුවා වයස අවුරුදු 2ට වඩා වැඩිවිය යුතුය. (දරුවන් දෙදෙනෙකුට වඩා සි‍ටි නම් මෙය අනවශ්‍යය)
  • ඔබගෙ වයස අවුරුදු 26ට වඩා වැඩි විය යුතුය.

මෙම ක්‍රමය කෙතරම් සාර්ථකද?
මෙය, 99% වඩා වැඩි සාර්ථකත්වයක් ඇති විශ්වාසදායි උපත් පාලන ක්‍රමයකි.

මෙමගින් ගැබ් ගැනීම වළක්වන්නේ කෙසේද ?

පුරුෂයෙකුට සිදු කරන ස්ථිර පවුල් සැලසුම් ක්‍රමය මෙනමින් හැදින්වේ. මෙහිදි ශුක්‍රධර නාලිකා අවහිර කර ශුක්‍රාණු ස්ත්‍රි ප්‍රජනක පද්ධතියට ඇතුළු වීම වළක්වයි. පුරුෂයකුගේ ශුක්‍රාණු නිපදවන්නේ වෘෂණ තුළය. මේවා ශුක්‍ර නාල ඔස්සේ ඉහළට ගමන් කොට ශුක්‍ර  තරලය සමග මිශ්‍ර වේ. වසෙක්තම් සැත්කමින් පසු, ශුක්‍ර තරලය පිට කිරීමට හැකියාව ඇති නමුත් එහි ශුක්‍රාණු කිසිවක් අන්තර්ගත නොවේ. ශුක්‍රාණු පිට නොවීම නිසා කාන්තාවන් ගර්භනී බවට පත් කිරීමට ‍නොහැක. මෙහි දී පුහුණුව ලත් පුද්ගලයෙක් ශුක්‍ර නාල කපා ගැටගැසීමෙන් මෙම තත්ත්වය ඇතිවේ. වෘෂණ මගින් තව දුරටත් ශුක්‍රාණු නිපද වුවද, ඒවා ශරීරයට අවශෝෂණය වේ.

මෙය ලිංගිකත්වය හානි පමුණුවයිද ?

නැත. මෙය පුරුෂ ලිංගේන්ද්‍රිය කප්පාදු කිරීමක් නොවේ. ශුක්‍රාණු, ශුක්‍ර තරලය හා මුසු නොවන ලෙස ඒවායේ මාර්ගය අවහිර කිරීමක් පමණක් මෙහි දි සිදුවේ. මේ හැර කිසිදු වෙනස්කමක් සිදු නොවේ. වාසෙක්තම් මගින් වෘෂණවලට කිසිදු බලපෑමක් ඇති නොකරයි. වෘෂණ මගින් තවදුරටත් ටෙස්ටොස්ටරෝන් හොර්මෝනය (පිරිමි හෝර්මෝනය) නිපදවයි. මේ හෝර්මෝනය රුධිරය ඔස්සේ ගමන් කරයි, එසේ නැතිව ඒවා ගමන් කරන්නේ ශුක්‍ර නාලිකා ඔස්සේ නොවේ. එම නිසා යමෙකුගේ සිතිවිලි හෝ පිරිමිකමට කිසිදු බලපෑමක් ඇති නොවේ.

එය සිදුකරන්නේ කෙසේද ?

දැඩි විෂබීජවලින් තොර වූ පරිසරයකදී පුහුණුව ලත් වෛද්‍යවරයෙක් විසින් එම ප්‍රදේශය හිරිවට්ටවා මෙම සැත්කම සිදු කරයි. කලින් දින රාත්‍රියේ නිරාහාරව සිටීම හෝ රෝහලට ඇතුළුවීම අවශ්‍ය නොවේ. ගතවන්නේ විනාඩි 10ක් 15ක් පමණ කාලයකි. මෙය ජංගම ශල්‍යාගාරයක ‍හෝ බාහිර රෝගි අංශයක වුවද සිදු කල හැක. සැත්කම සිදු කර ඇති ස්ථානයේ තදින් වෙලුම් දමන අතර දින 5ක් වියලිව එම ප්‍රදේශය තබාගෙන සිට වෙලුම් ගලවා දමන ලෙස අදාළ පුද්ගලයාට උපදෙස් දෙනු ලැබේ.

සැත්කමට සූදානම් වන්නේ කෙසේද ?

1 . ඔබ යම් රෝගයක් සදහා (දියවැඩියාව,අධික රුධිර පීඩනය)
2. නිරාහාරව සිටීම අනවශ්‍යය.
3. ස්නානය කර පිරිසිදු වී පැමිණෙන්න
4. ඔබගේ සහායට වෙනත් අයෙක් අනවශ්‍යය.
5. අලුත් පිරිසිදු තද යට ඇදුමක් රැගෙන එන්න
6. මෝටර් බයිසිකලයක් හෝ පාපැදියක් පදවාගෙන නොඑන්න

මෙම සැත්කමෙන් පසු සිදුවන්නේ මොනවාද ?

  • සැත්කමෙන් පසු දිනක් හෝ දෙකක් නිවසේ රැදී සිට විවේක ගන්න.
  • සතියක් යනතුරු ව්‍යායාම ‍හෝ බර වැඩ නොකරන්න.
  • දින කිහිපයක් යනතෙක් කැක්කුම, ඉදිමුම හො මද රුධිර වහනයක් ඇතිවිය හැක. වේදනාව ඇත්නම් පැරසිටමෝල් වැනි වේදනා නාශකයක් ගන්න.
  • ඔබට දැනෙන අපහසුතාවය නතර වූ පසු සංසර්ගයේ යෙදීම නැවත ඇරඹිය හැක. නමුත් මාස 3ක් හෝ 20 වරක් පමණ ශුක්‍රාණු පිටවන තෙක්, ශුක්‍ර  තරල‍යේ පෙර එක් රැස් වු ශුක්‍රාණු තිබිය හැකි නිසා වෙනත් පවුල් සැලසුම් ක්‍රමයක් අවශ්‍යවේ. සෑමවිටම කොන්ඩම් භාවිත කළ හැකිය. නැතහොත් මේ කාලය තුලදී ඔබේ සහකාරියට වෙනත් පවුල් සැලසුම් ක්‍රමයක් භාවිත කල හැකිය.
  • මාස 3කින් පසු ශුක්‍ර තරලය ශුක්‍රාණුවලින් තොරවනු ඇත. ශුක්‍ර තරල පරික්ෂාවක් ශල්‍යකර්මයෙන් මාස 3කට පසු සිදුකර මේ බව තහවුරු කරගත යුතුය.
  • ශල්‍යකර්මයෙන් දින 7ක් යනතෙක් පිරිසිදු හොදින් වෘෂණ කෝෂ දරා සිටින යට ඇදුම් භාවිත කරන්න.
  • දින 5ක් යන තෙක් එම ප්‍රදේශය තෙමීමෙන් වලකින්න.
Ad Widget

Recommended For You

About the Author: Editor(T)

Leave a Reply

Your email address will not be published.