රත්නපුර, දකුණ, මොනරාගල, මහනුවර සහ මඩකළපුව මනාප මෙන්න

රත්නපුරය දිස්ත්‍රික්කය – මරණ දඩුවම නියම වූ ‘චොකා මල්ලි’ දෙවැනි තැනට

මෙවර මහ මැතිවරණයෙන් ශ්‍රී ලංකා පොදුජන පෙරමුණ රත්නපුර දිස්ත්‍රික්කයෙන් මන්ත්‍රීධුර 08ක් ද සමගි ජන බලවේගය මන්ත්‍රීධුර 03ක් ද දිනාගත්තා. ශ්‍රී ලංකා පොදුජන පෙරමුණේ මනාප ලැයිස්තුවේ පළමු තැන හිටපු සෞඛ්‍ය අමාත්‍ය පවිත්‍රා වන්නිආරච්චි මහ්තිමය විසින් ද පසුගිය 2015 ජනාධිපතිවරණයේදී පුද්ගල ඝාතනයක් සම්බන්ධයෙන් පසුගිය දා මරණ දඩුවම නියම වූ ප්‍රේමලාල් ජයසේකර මහතා මනාප ඡන්ද 104,237ක් ලබා ගනිමින් මනාප ලැයිස්තුවේ මනාප ලැයිස්තුවේ දෙවැනි තැන දිනා ගෙන සිටීම විශේෂත්වයක්.

ජ්‍යෙෂ්ඨ දේශපාලනඥයින් වන වාසුදේව නානායක්කාර මහතා 06 වැනි ස්ථානයේදීත් ඩබ්ලිව්.ඩී.ජේ. සෙනෙවිරත්න මහතා 08 වැනි ස්ථානයේත් පසු වෙනවා.

සමගි ජනබලවේගයේ හේෂා විතානගේ පළමු තැනට පත්ව ඇති අතර ජ්‍යෙෂ්ඨ අමාත්‍යවරියක වූ තලතා අතුකෝරාළ තෙවැනි ස්ථානය දිනාගෙන තිබෙනවා.

ශ්‍රී ලංකා පොදුජන පෙරමුණේ ජයග්‍රාහකයින්
1.පවිත්‍රා වන්නිආරච්චි- 200,977
2.ප්‍රේමලාල් ජයසේකර- 104,237
3.ජානක වක්කුඹුර- 101,225
4.ගාමිණී වලේබොඩ- 85,840
5.අකිල එල්ලාවල- 71,179
6.වාසුදේව නානායක්කාර- 66,991
7.මුදිතා සොයිසා-65,933
8.ඩබ්ලිව්.ඩී.ජේ. සෙනෙවිරත්න- 61,612

සමගි ජන බලවේගය
1.හේෂා විතානගේ- 60,426
2.වරුණ ලියනගේ-47,494
3.තලතා අතුකෝරාල- 45,105

පැවති පාර්ලිමේන්තු මැතිවරණයේ මනාප නිකුත් කිරීම මේ වන විට ගණන් කිරීමේ මධ්‍යස්ථාන මට්ටමින් සිදු කරමින් ඇත.

ගාල්ල දිස්ත්‍රික්කය – ගීතා කුමාරසිංහ යළි මැති සබයට

මෙවර මහ මැතිවරණයෙන් ශ්‍රී ලංකා පොදුජන පෙරමුණ මන්ත්‍රීධුර 07ක් ද සමගි ජනබලවේගය මන්ත්‍රීධුර 02ක් ද දිනා ගත් නමුත් ජ්‍යෙෂ්ඨයින් රැසක් තරග කළත් එජාපවට එකම ආසනයක් හෝ දිනා ගැනීමට හැකි වුණේ නැහැ.

ගාල්ලේ මනාප ලැයිස්තුවේ පළමු තැන මනාප ඡන්ද 250,118ක් දිනාගත් වෛද්‍ය රමේෂ් පතිවරණ විසින් දිනාගත් අතර පසුගිය මහ මැතිවරණයේදී ද්විත්ම පුරවැසි භාවය නිසා මන්ත්‍රීධුර අහිමි වූ ප්‍රකට සිනමා නිළි ගීති කුමාරසිංහ මහත්මිය මනාප ඡන්ද 63,358ක් දිනා ගනිමින් පාර්ලිමේන්තුවට පත් වුණා.

සමගි ජන බලවේගයෙන් හිටපු අමාත්‍යවරයෙකු වන ගයන්ත කරුණාතිලක මහතා කලක් එජාපයේ සිට මහින්ද රාජපක්ෂ රජයට එක් වී යළිත් එජාපයට එක් වී සමගි ජන බලවේගයෙන් මැතිවරණයට ඉදිරිපත් වූ මනූෂ නානායක්කාර මහතා පත්ව තිබෙනවා.

ශ්‍රී ලංකා පොදුජන පෙරමුණේ ජයග්‍රාහකයින්
1. රමෙිෂ් පතිරණ – 250,118
2. සමිපත් අතුකෝරල – 128,332
3. මොහාන් සිල්වා- 111,626
4. චන්දිම වීරක්කොඩි – 84,984
5. ඉසුරැ දොඩන්ගොඩ- 71,266
6). ශාන් විජයලාල් – 67,793
7). ගීතා කුමාරසිංහ – 63,358

සමගි ජන බලවේගයේ ජයග්‍රාහකයින්
01. ගයන්ත කරුණාතිලක – 50,097
02. මනුෂ නානායක්කාර – 47,399

මාතර පොහොට්ටු ජ්‍යෙෂ්ඨයින් පසුපසට නවක අපේක්ෂකයින් පෙරමුණේ

මාතර දිස්ත්‍රික්කයෙන් ශ්‍රී ලංකා පොදුජන පෙරමුණ මන්ත්‍රීධුර 06ක් සහ සමගි ජනබලවේගය එක් මන්ත්‍රීධුරයක් දිනාගත්තා.

ශ්‍රී ලංකා පොදුජන පෙරමුණු අපේක්ෂකයින් අතර මාතර දිස්ත්‍රික්කයේ දැඩි මනාප පොරයක් පැවති අතර ජ්‍යෙෂ්ඨයින් සියලු දෙනා අභිබවා තරුණ අපේක්ෂකයෙකු වන නිපුණ රණවක මහතා පළමු ස්ථානයට පත්වීමට සමත් වුණා. මාතර ජ්‍යෙෂ්ඨ අමාත්‍යවරුන් වන ඩලස් අලහප්පෙරුම, මහින්ද යාපා අභිබවා තරුණ අපේක්ෂකයින් ඉදිරිපයට පැමිණීම විශේෂත්වයක්.

සමගි ජන බලවේගය විසින් 01ක් මන්ත්‍රීධුරයක් දිනාගත් අතර එය මනාප ඡන්ද 44,839ක් දිනාගත් බුද්ධික පතිරණ විසින් දිනාගත්තා. එජාපයට හෝ ජාතික ජන බලවේගයට කිසිම මන්ත්‍රීධුරයක් හිමි නොවීම විශේෂත්වයක්.

ශ්‍රී ලංකා පොදුජන පෙරමුණේ වැඩිම මනාප ලාභීන්
1. නිපුණ රණවක 131,010
2. කරුණා කොඩිතුවක්කු 114,319
3. ඩලස් අලහප්පෙරුම 103,534
4. කංචන විජේසේකර 96,033
5. මහින්ද යාපා 80,895
6. වීරසුමන වීරසිංහ 77,968

හම්බන්තොට මනාප සටනින් චමල් රාජපක්ෂ මහින්ද අමරවීරටත් පසුබසී

මෙම මහ මැතිවරණයේදී සුවිශේෂ අවධානයක් යොමු වූ දිස්ත්‍රික්කයක් වූ හම්බන්තොට දිස්ත්‍රික්කයෙන් ශ්‍රී ලංකා පොදුජන පෙරමුණ මන්ත්‍රීධුර 06ක් සහ සමගි ජන බලවේගය එක් මන්ත්‍රීධුරයක් දිනාගත් නමුත් එක්සත් ජාතික පක්ෂයට හෝ ජාතික ජන බලවේගයට එකම මන්ත්‍රීධුරයක් හෝ ලැබුණේ නැහැ.

හම්බන්තොට මනාප ලැයිස්තුවේ විශේෂත්වයක් වන්නේ ජ්‍යෙෂ්ඨ අමාත්‍යවරයෙක් වන චමල් රාජපක්ෂ මහතා 04 වැනි ස්ථානයට පත් කරමින් ශ්‍රී ලංකා නිදහස් පක්ෂයේ නායකයෙකු වූ මහින්ද අමරවීර තෙවැනි තැනට පත් වීමයි. නාමල් රාජපක්ෂ මහතා මනාප ඡන්ද 166,790ක් දිනා ගනිමින් හම්බන්තොට මනාප ලැයිස්තුවේ පළමු තැන සිටිනවා.

ශ්‍රී ලංකා පොදුජන පෙරමුණ
1. නාමල් රාජපක්ෂ – 166,790
2. ඩී.වී. චානක – 128,781
3. මහින්ද අමරවීර – 123,769
4. චමල් රාජපක්ෂ – 84,542
5 . උපුල් ගලප්පත්ති – 63,233
6. අජිත් රාජපක්‍ෂ – 47,401

ජාතික සමගි ජන බලවේගය
01.දිලිප් වෙදආරච්චි 25,376

මහනුවර දිස්ත්‍රික්කය – දිලුම් 01ට

මහනුවර දිස්ත්‍රික්කයෙන් ශ්‍රී ලංකා පොදුජන පෙරමුණ මන්ත්‍රී ආසාන 08ක් සහ සමගි ජනබලවේගය මන්ත්‍රීධුර 04ක් දිනා ගත්තා.

ශ්‍රී ලංකා පොදුජන පෙරමුණේ මනාප ලැයිස්තුවේ පළමු ස්ථානය දිලුම් අමුණුගම විසින් ද සමගි ජන බලවේගයේ ප්‍රථම ස්ථානය ශ්‍රී ලංකා මුස්ලිම් කොන්ග්‍රස් නායක රාවුෆ් හකීම් මහතා විසින් ද දිනාගත්තා.

ශ්‍රී ලංකා පොදුජන පෙරමුණ දිලුම් අමුණුගම – 171,758 මහින්දා නන්ද අලුත්ගමගේ – 161,471 ලොහාන් රත්වත්තේ – 140,917 අනුරාධ ජයරත්න – 140,798

සමගි ජන බලවේගය

රාවුෆ් හකීම් – 83,398

එම්.එච්. අබ්දුල් හලීම් – 71,063

වේලු කුමාර් – 57,445

ලක්ෂමන් කිරිඇල්ල – 52,311

මොනරාගල දිස්ත්‍රික්කය – පළමු තැන ශෂින්ද්‍රට

මෙවර මහ මැතිවරණයෙන් මොනරාගල දිස්ත්‍රික්කයෙන් ශ්‍රී ලංකා පොදුජන පෙරමුණ මන්ත්‍රීධුර 05ක් සහ සමගි ජන බලවේගය එක් මන්ත්‍රීධුරයක් දිනාගත්තා.

ශ්‍රී ලංකා පොදුජන පෙරමුණේ මනාප ලැයිස්තුවේ පළමු තැන මනාප ඡන්ද 104,729ක් දිනා ගත් ශෂින්ද්‍ර රාජපක්ෂ මහතා විසින් ද දෙවැනි ස්ථානය මනාප ඡන්ද 91,530ක් ලබා ගත් කුමාරසිරි රත්නායක මහතා විසින් ද තෙවැනි ස්ථානය මනාප ඡන්ද 68,984ක් දිනාගත් විජිත් බේරුගොඩ විසින්ද සිවුවැනි ස්ථානය මනාප ඡන්ද 66,176ක් ලබාගත් ජගත් පුෂ්කුමාර මහතා විසින් ද පස්වැනි ස්ථානය මනාප ඡන්ද 45,384ක් ලබාගත් ගයාෂාන් නවනන්ද දිනාගත් අතර සමගි ජන බලවේගයේ මන්ත්‍රීධුරය මනාප ඡන්ද 20,662ක් ලබාගත් ධර්මසේන විජේසිංහ මහතා විසින් ද දිනාගත්තා.

පුත්තලම දිස්ත්‍රික්කය – සන්ත නිශාන්තට මුල්තැන

පුස්තලම දිස්ත්‍රික්කයෙන් ශ්‍රී ලංකා පොදුජන පෙරමුණ මන්ත්‍රීධුර 05ක්, සමගි ජන බලවේගය මන්ත්‍රීධුර 02ක් සහ මුස්ලිම් ජාතික සන්ධානය 01ක් මන්ත්‍රීධුරයක් දිනාගත්තා.

ශ්‍රී ලංකා පොදුජන පෙරමුණ
මනාපඡන්ද 80,082ක් දිනාගත් සනත් නිශාන්ත පළමු ස්ථානයටත්, මනාප ඡන්ද 70,892ක් දිනාගත් ප්‍රියංකර ජයරත්න දෙවැනි ස්ථානයත්, මනාප ඡන්ද 46,058ක් දිනාගත් අරුන්දික ප්‍රනාන්දු තෙවැනි ස්ථානයත්, මනාප ඡන්ද 41,612ක් දිනාගත් චින්තක අමල් මායාදුන්න සිවුවන ස්ථානයත් දිනාගත් අතර මනාප ඡන්ද 41,612ක් දිනාගත් අශෝක් ප්‍රියන්ත පස්වන ස්ථානයටත් පත් වුණා.

සමගි ජන බලවේගයෙන් 34,127ක් දිනාගත් හෙක්ටර් අප්පුහාමි සහ මනාප ඡන්ද 31,636ක් දිනාගත් නිරෝෂන් පෙරේරාත් පාර්ලිමේන්තු වරම් දිනාගත්තා.

මුස්ලිම් ජාතික සන්ධානයේ මන්ත්‍රීධුරය මනාප ඡන්ද 33,509ක් දිනා ගත් අබ්දුල් අලි සබ්රිට හිමි වුණා.

මඩකළපුවෙන් මුල් තැන පිල්ලේයාන්ට

මඩකළපුව දිස්ත්‍රික්කයෙන් 54,198ක මනාප ලබාගත් සිවනේශතුරේ චන්ද්‍රකාන්ත් හෙවත් පිල්ලෙයාන් පාඒලිමේන්තුවට පත්ව සිටිනවා.

Ad Widget

Recommended For You

About the Author: Editor(T)

Leave a Reply

Your email address will not be published.