රනිල් ජාතික ලැයිස්තුවෙන් පාර්ලිමේන්තුවට – කරු එජාප මුල් පුටුවට

එක්සත් ජාතික පක්ෂයට පසුගිය මහ මැතිවරණයේ ජාතික ලැයිස්තුවෙන් හිමි වූ මන්ත්‍රී ධුරයට රනිල් වික්‍රමසිංහ මහතා නම් කිරීමට සූදානමක් ඇතැයි එජාප ජ්‍යෙෂ්ඨයෙක් අප සමග පැවසුවේය. ඔහු සදහන් කළේ පසුගිය මහ මැතිවරණයෙන් අන්ත පරාජයක් ලැබූ තම පක්ෂයට හිමි වූ ජාතික ලැයිස්තු මන්ත්‍රීධුරය සම්බන්ධයෙන් ඇතිවී ඇති බරපතළ අර්බුදයට එකම විසදුම රනිල් වික්‍රමසිංහ මහතා නම් කිරීම බවයි.

‘මේක පක්ෂය තුළ යළිත් අර්බුදයක් ඇතිවීමට හේතු වී තිබෙනවා. ජාතික ලැයිස්තු මන්ත්‍රීධුරයට පමණක් නොව වික්‍රමසිංහ මහතා නායකත්වය අත් හැරීමට සූදානම් බව ප්‍රකාශ කිරීම සමග ඒ හා සම්බන්ධ අර්බුදයකත් තියුණු වෙමින් තිබෙනවා. මේ තත්ත්වය තුළ කොතරම් පරාජය වුණත් රනිල් වික්‍රමසිංහ මහතා හැර වෙනත් විකල්පයක් නැති බව යළි යළිත් තහවුරු වෙනවා. ඒ නිසා හොදම තීන්දුව තමයි පක්ෂය තුළ ස්ථිරසාර ලෙස නායකත්ව අර්බුදය විසදා ගන්නා තෙක් රනිල් වික්‍රමසිංහ මහතා පාර්ලිමේන්තුවට යාම‘

මෙහිදී අප හා අදහස් දැක්වූ දේශපාලන විශ්ලේෂකයින් කිහිප දෙනකුම ප්‍රකාශ කළේ රනිල් වික්‍රමසිංහ වැනි අත් දැකීම් බහුල නායයෙකු පාර්ලිමේන්තුවේ සිටීම වත්මන් අති බහුතර ආණ්ඩුවට පවා ශක්තියක් බවයි.

මේ සම්බන්ධයෙන් අදහස් දක්වමින් ප්‍රවීන දේශපාලන විශ්ලේෂක භාතිය බරුකන්ද මහතා සදහන් කළේ ‘එජාප නායකත්ව අර්බුදය කිසිදා විසදා ගත හැකි එකක් නොවෙයි. දැනි පාලිත රංගේ බණ්ඩාර වාගේ සුළු චරිත පවා නායකත්ව අර්බුදයට මැදිවීම හරහා සිදුවන්නේ අර්බුදය තව තවත තියුණු වීමට වඩා පක්ෂය තව දුරටත් කුණුවීමයි. ඒ නිසා එජාපයේ දෙවැනි පෙළ යථාර්ථය සහ තමන්ගේ ඇත්ත තත්ත්වය මනාව වටහා ගන්නා තෙක් රනිල් වික්‍රමසිංහ මහතාට තවත් කාලයක් පක්ෂ නායකත්වය දැරීමට සිදුවීම දැන් දේශපාලන යථාර්ථයක්. මොකද දැන් පක්ෂ නායකත්ව අරගලයට මැදිව සිටින පිරිසෙන් ජාතික නායකත්වයට සුදුසු පරිදි මුහුකුරා ගිය චරිතයක් ඇත්තේ නැහැ. යම් පමණකට මහ ලේකම් අකිල ගැන කල්පනා කළ හැකියි. ඒත් සජිත් පිළිටත් අභියෝගයක් වෙමින් පක්ෂය යළි ගොඩනැගීමට ඔහුට කොතරම් හැකියාවක් තිබේද ? ඒ සදහා රවී – වජිර ඇතුළු ජ්‍යෙෂ්ඨයින්ගෙන් කොතරම් සහායක් ලැබේද යන්න ප්‍රශ්නයක්. ඒ නිසා දේශපාලන යථාර්ථය තමයි රනිල් වික්‍රමසිංහ තවත් කාලයක් පක්ෂ නායකයා ලෙස සිටීම“

මෙහිදී භාතිය බරුකන්ද මහතා කියා සිටියේ ජාතික ලැයිස්තුවට සුුදුසුම පුද්ගලයා රනිල් වික්‍රමසිංහ මහතා හෝ හිටපු කතානායක කරු ජයසූරිය මහතා බවයි.

‘රනිල් වික්‍රමසිංහ වාගේ දැඩි පාර්ලිමේන්තු ප්‍රජාතන්ත්‍රවාදියෙක් ඕනෑම පාර්ලිමේන්තුවකට ශක්තියක්. ඔහු මේ පාර්ලිමේන්තුවෙත් සිටිය යුතුම චරිතයක්. ඔහුගෙන් ආණ්ඩුවට පවා වටිනාකමක් ලැබෙන බව සහතිකයි. මොකද එජාප ජාතික ලැයිස්තුව තුළ පාර්ලිමේන්තුවට ඔබින වටිනා චරිත නැහැ. හොදම සහ එකම විකල්පය තමයි රනිල් වික්‍රමසිංහ‘

Ad Widget

Recommended For You

About the Author: Editor(T)

Leave a Reply

Your email address will not be published.