‘ලෝකයේ ලස්සනටම හිරු බැස යන ආකාරය’ දැකිය හැකි ස්ථාන 10 මෙන්න !

ලෝකයේ ලස්සනම හිරු පායා එන දර්ශනය තිබෙන්නේ ලංකාවේ බව අපි දන්නවා. ඒ අසිරිමත් දර්ශනය දැකගත හැකි වන්නේ සමනළ කන්ද මුදුනේ සිටයි. ශ්‍රී පාද වන්දනාවේ යන සියලු දෙනාම මේ අසිරිමත් සිදුවීම, ‘ඉරසේවය‘ නරඹන්න අමතක නොකරන්නේ ඒ නිසයි.

මේ අතර ඉර බැසයන දර්ශනයත් මනරම් එකක් බව අප අමතක නොකළ යුතුයි. ඔබ එවැනි සුන්දර අවස්ථා ගැන මතකයන් ඕනෑ තරම් ඇති. ඒත් ජාත්‍යන්තර මාධ්‍ය, විශේෂයෙන් සංචාරක ප්‍රවර්ධන වෙබ් අඩවි නිරන්තරයෙන් ලෝකයේ සුන්දර හිරු උදාව නැරඹිය හැකි ස්ථාන වගේම සුන්දරතම හිරු බැස යන දර්ශනය නැරඹිය හැකි ස්ථානත් ප්‍රකාශයට පත් කරනවා.

මේ සම්බන්ධයෙන් පොදු/නිල එකගතාවක් නැති වුණත් මෙවැනි පුවත්වලට ජාත්‍යන්තර මාධ්‍යවල ඉහළ ඉඩක් ලැබෙනවා.

ඉතිං අපි තීරණය කළ ලෝ ප්‍රකට සංචාරක ප්‍රවර්ධන වෙබ් අඩවියක් විසින් ඊයේ (25) ප්‍රකාශයට පත්කළ ‘ලෝකයේ සුන්දරතම හිරු බැස යන දර්ශන ගැන සියලු තොරතුරු ඔබ වෙත ගෙන එන්න.

ලෝකයේ හොඳම හිරු බැස යන ස්ථාන 10 ක් මෙන්න. 10 of the World’s Best Sunset Spots

Bagan (මියන්මාරය)

ලෝකයේ සුන්දරතම හිරු බැස යන ස්ථාන අතර මුල්තැන සිටිනේ්නේ ලංකාව වගේම ථේරවාදී බෞද්ධ රටක් වන මියන්මාරය නැතිනම් බුරමයයි. බුරුමයේ දස දහස් සංඛ්‍යාත දාගබ් පිහිටි ‘මැන්ඩලේ‘ පළාතේ ‘බගන් Bagan ‘ නිම්නය තමයි මේ සුන්දර දර්ශනයට උපත දෙන්නේ. දස දහස් සංඛ්‍යාත ස්ථුප මළහිරු රැසින් දෝවනය කරමින් හිරු බැස යන ආකාරයට නැරඹීමට ලක්ෂ සංඛ්‍යාත සංචාරකයින් පිරිසක් වාර්ෂිතව බගන් මිටියාවතේ ආරාම සංකීර්ණය වෙත පැමිණනවා.

බගන් (මියන්මාරය) |  ලොව හොඳම හිරු බැසයාමේ ස්ථාන 10 ක් |  සෙස්ට්‍රඩාර්

Isle of Eigg  (ස්කොට්ලන්තය)

මහා බ්‍රිතාන්‍යයට අයත් ස්කොට්ලන්තය ද සුන්දර ස්ථාන සඳහා ප්‍රසිද්ධියක් උසුළනවා. එහෙත් පුදුමයකට මෙන් හිරු බැස යන සුන්දර ස්ථාන නැරඹීමට නම් කිසිම සංචාරකයෙක් ස්කොට්ලන්තයට පැමිණෙන්නේ නැහැ. එය කණගාටුවට කරුණක් බවයි සංචාරක විශේෂඥයෝ කියන්නේ. මන්ද ස්කොට්ලන්තයේ දිනෙන් දින වෙනස් වන කාලගුණ තත්ත්වය් යටතේ එහි දී විස්මයජනක හිරු බැස යන දසුන් නැරඹීමට හැකියාව තිබෙනවා. ඒ අතර සුන්දරමතම හිරු බැස යන දර්ශනය දැකිගත හැකිවන්නේ ස්කොට්ලන්තයේ  Isle of Eigg දූපතේදීයි. ඒ දිව්‍යමය සුන්දරත්වය ඔබට පහත ඡායාරූපයෙන් දැකගත හැකියි.

අයිල් ඔෆ් ඊග් (ස්කොට්ලන්තය) |  ලොව හොඳම හිරු බැසයාමේ ස්ථාන 10 ක් |  සෙස්ට්‍රඩාර්

ඇරිසෝනා හි ග්‍රෑන්ඩ් කැනියන් ජාතික උද්‍යානය

ඇරිසෝනා හි ග්‍රෑන්ඩ් කැනියන් ජාතික උද්‍යානය නොමැතිව ලෝකයේ සුන්දතරම හිරු බැස යෑමේ ලැයිස්තුවක් සම්පූර්ණ වන්නේ නැහැ. එය නියත වශයෙන්ම සොබාදහම විසින් නිර්මාණය කරන ලද වඩාත්ම දර්ශනීය භූ විද්‍යාත්මක විස්මයන්ගෙන් එකක් ලෙස ඔබට හැගී යා හැකියි. එයින් අදහස් කරන්නේ එහි හිරු බැසයාම ලෝකයේ වඩාත්ම සිත් ඇදගන්නා සුළු එකක් බවයි. රතු සහ රෝස පැහැයෙන් සෑම දෙයක්ම පින්තාරු කරමින් හිරු බැස යෑම ආරම්භ වන විට ග්‍රෑන්ඩ් කැනියොන්හි සුන්දරත්වය වඩාත් පැහැදිලි වේ.

ග්‍රෑන්ඩ් කැනියන් (ඇමරිකා එක්සත් ජනපදය) |  ලොව හොඳම හිරු බැසයාමේ ස්ථාන 10 ක් |  සෙස්ට්‍රඩාර්

Angkor Wat(කාම්බෝජය)

කාම්බෝජ – බුරුම දේශසීමාවේ පිහිටි විශාල බෞද්ධ විහාර සංකීර්ණයක් වන ඇන්කෝර් වොට් යනු ලෝකයේ වඩාත්ම සුන්දර ස්ථානයකි. පුරාණ විහාරස්ථාන, අලංකාර කැටයම් සහ දෙවිවරුන්ගේ පිළිම දැකබලා ගැනීම දිනපතා දස දහස් සංඛ්‍යාත බැතිමතුන් පිරිසක් සහ සංචාරකයින් පැමිණෙති. ස්වාභාවිකවම, එහි හිරු බැස යෑම ද විශ්මයජනක ය. 

ඇන්කෝර් වොට් (කාම්බෝජය) |  ලොව හොඳම හිරු බැසයාමේ ස්ථාන 10 ක් |  සෙස්ට්‍රඩාර්

Uluru (ඕස්ට්‍රේලියාව)

ඔබ ඕස්ට්‍රේලියාවට ගියහොත්, තවත් විස්මිත හිරු බැසයාමේ අත්දැකීමක් සඳහා ඕස්ට්‍රේලියාවේ සුප්‍රකට සංචාරක ආකර්ෂණයක් වන පූජනීය අයර්ස් පර්වතය (The Ayer’s Rock) වෙත යාමට වග බලා ගන්න.  අයර්ස් පර්වතය විචිත්‍රවත් කරමින් මළ හිරු බැසයන ආකාරය ඔබට දිව්‍යමය අත්දැකීමක් ලබා දෙන බව නම් සහතිකයි.

උළුරු (ඕස්ට්‍රේලියාව) |  ලොව හොඳම හිරු බැසයාමේ ස්ථාන 10 ක් |  සෙස්ට්‍රඩාර්

Koh Lanta (තායිලන්තය)

තායිලන්තය කියන්නේ ලෝකයේ වැඩියෙන්ම සංචාරක ආකර්ෂණය සිදුවන රටක්. ඔබ තායිලන්තයේ සංචාරකට ගිය විට ඔබට ලෝකයේ සුන්දරතම හිරු බැස යන අවස්ථාවක් දැකබලා ගත හැකියි. ඔබට අඩු ජනාකීර්ණ පසුබිමක් අත්විඳීමට අවශ්‍ය නම්, එහි සුන්දර ක්ලෝං ඩාවෝ වෙරළ තීරය සමඟ සන්සුන් කෝ ලන්ටා Koh Lanta වෙත යන්න. අවම ජනගහනයක් ඇති මෙම නිසල පරිසරයේදී නිසැකවම ඔබට දෙවියන් සමග එක්විය හැකියි. 

කෝ ලන්ටා (තායිලන්තය) |  ලොව හොඳම හිරු බැසයාමේ ස්ථාන 10 ක් |  සෙස්ට්‍රඩාර්

Namib-Naukluft National Park (නැමීබියාව)

අප්‍රිකානු රටක් වන ‘නැමීබියාව‘ අති දුෂ්කර රටක් වුණත් ස්වභාව සෞන්දර්යයෙන් අනූන රටක්. විශේෂයෙන් එහි ඇති කාන්තාර අති සුන්දර සිතුවම් මවනවා. ඉතිං ඔබට ලෝකවේ රමණීයම හිරු බැස යෑමක් අත්විඳීමට අවශ්‍ය නම් නැමීබියාව එය කළ හැකි හොඳම ස්ථානය වන බැවින් තවදුරටත් පමා වෙන්න එපා. වියළි ඇටසැකිල්ලක් වැනි ගස්වලින් හා නිමක් නැති වැලි තැනිතලා වලින් පිරී ඇති ‘නැමීබ්-නූක්ලුෆ්ට් ජාතික වනෝද්‍යානය‘ මේ සදහා සුදුසුම ස්ථානයයි. එහි හිරු බැස යෑම ඔබට කිසිදා අමතක නොවන දසුනකි.

නැමීබ්-නාක්ලුෆ්ට් ජාතික උද්‍යානය (නැමීබියාව) |  ලොව හොඳම හිරු බැසයාමේ ස්ථාන 10 ක් |  සෙස්ට්‍රඩාර්

Santorini (ග්‍රීසිය)

සැන්ටෝරිනි යනු ග්‍රීසියේ වඩාත්ම ආදරණීය හා සුන්දර ස්ථානයක්. සුදු හුනු ගසන ලද ගෙවල් සහ අලංකාර පල්ලි වලින් සමන්විත සැන්ටෝරිනි, දීප්තිමත්-නිල් ජලය, අඳුරු ගිනිකඳු සහ වර්ණවත් අහස යට පරිපූර්ණයි. හිරු බැස යන කාලය තුළ තැඹිලි සහ රතු පැහැයට හැරෙන සියලු වර්ණ ලබා දෙයි. එකට ගත් විට, සැන්ටෝරිනිගේ වර්ණ හුදෙක් සිත් ඇදගන්නා සුළු යි !

සැන්ටෝරිනි (ග්‍රීසිය) |  ලොව හොඳම හිරු බැසයාමේ ස්ථාන 10 ක් |  සෙස්ට්‍රඩාර්

Haleakala- (හවායි)

‘හවායි‘ කියන්නේ ඇමෙරිකා එක්සත් ජනපදයට අයත් ප්‍රාන්තයක්. සංචාරක ආකර්ෂණය ඉහළමරටක්. ඒ අතරින් ද ලෝකයේ මනරම් හිරු බැසයාමක් නැරඹීම සදහා හලේකලා ජාතික වනෝද්‍යානය වඩාත් සුදුසුයි. එය හවායි හි පිහිටා ඇති අද්භූත ගමනාන්තයන්ගෙන් එකක් වන අතර අඟහරු ග්‍රහලෝකය සිහිගන්වන ගිනිකඳු භූ දර්ශන, පාළු දර්ශන සහ කඳු පාමුල දර්ශනීය දිය ඇලි ඇත්තෙන්ම විස්මිතයි. ඒ අතරින් වඩාත්ම සුන්දර දර්ශනය වන Haleakala ගිනි කන්ද මුදුනට ඉහළින්, අඩි 10,000 ක උසකින් මළ හිරු බැස යන ඇත්තෙන්ම සුන්දරයි.

හලේකලා (හවායි) |  ලොව හොඳම හිරු බැසයාමේ ස්ථාන 10 ක් |  සෙස්ට්‍රඩාර්

Mount Bromo ( (ඉන්දුනීසියාව)

ඉන්දුනීසියාව ද ලෝකයේ වඩාත්ම ඉහළ සංචාරක ආකර්ෂණයක් ඇති රටකි. එමෙන්ම අසමසම සිත්තම් මවමින් මළ හිරු බැස යන රටක්. එහිදී ඔබට ලෝකයේ සුන්දරතම මළහිරු බැසයන දර්ශනය නැරඹිය හැකි අතර ඔබ ඒ සදහා ජාවා හි පිහිටා ඇති බ්‍රෝමෝ Mount Bromo (කන්දට යා යුතුයි. බ්‍රෝමෝ කලාපය තවමත් පිහිටා ඇත්තේ ක්‍රියාකාරී ගිනි කන්දක් ඇසුරු කරගෙන බැවින් ලෝකයේ භයානක ගිනිකඳු වලින් එකක මනරම් සුන්දරත්වය සිත්සේ භුක්ති විඳීමට ඔබට අවස්ථාව හිමි වෙනවා. බ්‍රෝමෝ කන්දට ඉහළින් දීප්තිමත් හිරු බැස යන අයුරු වඩාත් හොදින් නැරඹීම සඳහා එබ පෙන්ජාජන් කන්ද දෙසට ගමන් කළ යුතු එහි සිට මළ හිරු බැස යන ආකාරය නැරඹීම ඇත්තෙන්ම දිව්‍ය ලෝකයට ගියා හා සමාන වෙනවා.

බ්‍රෝමෝ කන්ද (ඉන්දුනීසියාව) |  ලොව හොඳම හිරු බැසයාමේ ස්ථාන 10 ක් |  සෙස්ට්‍රඩාර්

cnn ඇසුරිණි – සකස් කළේ – තීක්ෂණ වෙළෙන්එගොඩ

Ad Widget

Recommended For You

About the Author: Editor(T)

Leave a Reply

Your email address will not be published.