SLRC – ITN – SLBC මාස 09ට පාඩුව මිලියන 762යි

පසුගිය රජය සමයේ රාජ්‍ය මාධ්‍ය ආයතන පාඩු ලබන තත්ත්වයට පත් වූ බවත්, වසර දෙකක් තුළ එම ආයතන ලාබ ලබන මට්ටමට නැවත පත් කරන බව ජනමාධ්‍ය ඇමැති කෙහෙළිය රඹුක්වැල්ල මහතා පසුගිය 21 වැනිදා ‘ජනමාධ්‍ය කටයුතු පිළිබඳ අමාත්‍යාංශයීය උපදේශක කාරක සභාවේදී ප්‍රකාශ කළා.

ජනමාධ්‍ය අමාත්‍යවරයාට රාජ්‍ය මාධ්‍ය ලාබ ලබන තැනට පත් කිරීමට කොතරම් අභියෝගාත්මක ද යන්න ගැන මනා වැටහීමක් ලබාගත හැකි විශේෂ වාර්තාවක් මේ වන විට නිකුත් කර තිබෙනවා. ඒ ‘රජය සතු ව්‍යවසායන්හි ලාභදායීත්වය‘ නම් වාර්තාවයි. 2018, 2019 සහ 2020 අගෝස්තු 31 වැනි දිනට එම වාර්තාව මගින් අදාළ රාජ්‍ය ව්‍යවසායන් 52ක ලාභ අලාභ දක්වා තිබෙනවා.

මෙම වාර්තාව අනුව පැහැදිලි වන්නේ රජයට අයත් ප්‍රධාන විද්‍යුත් මාධ්‍ය ආයතන තුන වන ස්වාධීන රූපවාහිනී ජාලය මිලියන 420ක්, ශ්‍රී ලංකා රූපවාහිනී සංස්ථාව මිලියින 330ක් සහ ශ්‍රී ලංකා ගුවන් විදුලි සංස්ථාව එක්ව රුපියල් මිලියන762ක් 2020 වසරේ අගෝස්තු 31 වැනි දින වන විට වාර්තා කර ඇති බවයි. ඒ අනුව ඉදිරි මාස 3 තුළ මෙම අලාභය තව දුරටත් ඉහළ යා හැකි බවයි ක්ෂේත්‍රය සම්බන්ධ විශේෂඥයින් පවසන්නේ.

මෙහි ඇති තවත් විශේෂත්වයක් වන්නේ පසුගිය කාලයේ කැබිනට් මණ්ඩලය විසින් ගත් ප්‍රතිපත්තිමය තීන්දුවක් අනුව සියලු රාජ්‍ය දැන්වීම් රාජ්‍ය මාධ්‍යවලට පමණක් ලබාදී තිබියදී මේ දැවැන්ත අලාභය වාර්තා කිරීමයි.

Ad Widget

Recommended For You

About the Author: Editor(T)

Leave a Reply

Your email address will not be published. Required fields are marked *